نئے سال کے آغاز پر پیٹرول کی قیمت میں کمی کا امکان

اسلام آباد: یکم جنوری 2024 سےپیٹرول کی قیمت میں کمی کا امکان ہے ۔

باغی ٹی وی : میڈیا رپورٹس کے مطابق اگلے پندرہ روز کیلئے پٹرول کی قیمت میں کمی کا امکان ہے پیٹرول کی فی لٹر قیمت میں 1.72 روپے کمی متوقع ہے ہائی اسپیڈ ڈیزل کی قیمت میں تقریباً 1 روپے فی لیٹر اضافے کا امکان ہے،نگران وفاقی حکومت کی جانب سے پٹرولیم مصنوعات کی نئی قیمتوں کا اعلان 31 دسمبرکو کیا جائے گا۔

واضح رہے کہ پاکستانی عوام نے سال 2023 میں ملکی تاریخ کا سب سے مہنگا پیٹرول اورڈیزل خریدا،رواں سال پیٹرولیم مصنوعات کی قیمتوں میں 116 روپے 58 پیسے تک اضافہ ہوا جبکہ پیٹرولیم مصنوعات پر لیوی میں فی لیٹر 30 روپے تک اضافہ کیا گیا ڈیزل 30 اور پیٹرول پر فی لیٹر لیوی میں 10 روپے کا اضافہ کیا گیا، اس وقت ڈیزل اورپیٹرول کے فی لیٹر پر60، 60 روپے کے حساب سے لیوی عائد ہے-

اوور سیز پاکستانی کے بینک اکاؤنٹ سے 41 کروڑ روپے غائب ہو گئے

2023 کےآغاز پر فی لیٹر پیٹرول کی قیمت 214 روپے 80 پیسے اور فی لیٹر ڈیزل کی قیمت 227 روپے 80 پیسے تھی سال2023کے اختتام پر فی لیٹر پیٹرول کی قیمت267 روپے 34 پیسے اور ہائی سپیڈ ڈیزل کی فی لیٹر قیمت 276 روپے 19 پیسے ہوگئی ہے.پیٹرول اور ڈیزل کی قیمتیں 16 ستمبر کو نگران حکومت میں ملکی تاریخ کی بلند ترین سطح پرجاپہنچی تھیں جب فی لیٹر پیٹرول کی قیمت سب سےزیادہ 331 روپے 38 پیسے اور فی لیٹر ڈیزل کی قیمت سب سے زیادہ 329 روپے 18 پیسےہوگئی تھی۔

لیگی امیدوار کا حامیوں سے قرآن پر حلف