پٹرولیم مصنوعات کی قیمتوں میں اضافہ عدالت میں چیلنج

0
26

پٹرولیم مصنوعات کی قیمتوں میں اضافہ عدالت میں چیلنج
لاہور ہائیکورٹ میں پیٹرولیم مصنوعات کی قیمتوں میں اضافے کو چیلنج کر دیا گیا

جوڈیشل ایکٹوازم پینل نے پیٹرولیم مصنوعات کی قیمتوں میں اضافے کو چیلنج کیا ،دائر درخواست میں موقف اپنایا گیا کہ ایک ہفتے کے دوران پیٹرولیم مصنوعات میں 60 روپے تک اضافہ کیا گیا،پیٹرولیم مصنوعات کی قیمتوں میں اضافے سے اشیائے ضروریہ پر اثر پڑے گا، عدالت پیٹرولیم مصنوعات کی قیمتوں میں اضافے کو فوری کالعدم قرار دے

واضح رہے کہ گزشتہ روزحکومت پاکستان نے ملک میں پٹرول اور ڈیزل کی قیمت میں مزید 30، 30 روپے کا اضافہ کردیا ہے وفاقی وزیر خزانہ مفتاح اسماعیل نے بتایا کہ پٹرولیم مصنوعات کی قیمتوں میں مزید اضافہ کیا جارہا ہے ملک میں پٹرول کی فی لٹر قیمت 209 روپے 86 پیسے جبکہ ڈیزل کی قیمت 204 روپے 15 پیسے کردی گئی

پیٹرول کی قیمتوں میں اضافہ واپس لینے کے مطالبے کی قرارداد پنجاب اسمبلی میں جمع کروا دی گئی،قرارداد تحریک انصاف کی رکن اسمبلی سیمابیہ طاہر کی جانب سے جمع کرائی گئی قرارداد کے متن میں کہا گیا کہ حکومت نے ہفتے میں پیٹرول کی قیمت میں 60 روپے فی لٹر اضافہ کر دیا حکومت کی نااہلی کے باعث قومی خزانے دیوالیہ ہونے کے قریب ہے عوام پریشان ہے،حالیہ اضافے کو فی الفور واپس کیا جائے

پیٹرول پرسبسڈی کے باعث ڈیفالٹ کی طرف جا رہے تھے،وفاقی وزیر خزانہ
وفاقی وزیر خزانہ مفتاح اسماعیل کا کہنا ہے کہ پیٹرول پرسبسڈی ناقابل برداشت ہے ،پیٹرول پرسبسڈی کے باعث ڈیفالٹ کی طرف جا رہے تھے،عمران خان نے پیٹرول پر 30روپے لیوی عائد کیا جو معاشی مشکلات ہیں وہ عمران خان کے معاہدے کے باعث ہیں،کوئلے کے پلانٹ نہیں چل رہے عوام سمجھتے ہیں کہ یہ مہنگائی اور تباہی عمران خان کی ہے، عمران خان نے فروری میں روس سے تیل کیوں نہیں لیا عمران خان کی وجہ سے مہنگائی آئی ہے، 5 ہفتے میں ختم نہیں ہوسکتی، جیسے ہی بجٹ آئے گا تو ہم مہنگائی پر قابو پانے کی کوشش کریں گے،اگست 2023 تک مدت ہے تب تک یہ اسمبلیاں چلتی رہیں گی،

وزیراعلیٰ سندھ کا خود سمیت تمام وزرا اور افسران کا پیٹرول 40 فیصد کم کرنے کا حکم
وزیراعلیٰ سندھ سید مراد علی شاہ کا کہنا ہے کہ پیٹرول مصنوعات کی قیمتیں بڑھی ہیں،پیٹرول کی بڑھتی قیمت کا بوجھ خزانے پر مزید نہیں پڑنا چاہیے خزانہ پر بوجھ کا مقصد عوام پر بوجھ ہے،وزیراعلیٰ سندھ نے خود سمیت تمام وزرا اور افسران کا پیٹرول 40 فیصد کم کرنے کا حکم دے دیا، وزیراعلیٰ سندھ سید مراد علی شاہ کا مزید کہنا تھا کہ 40فیصد پیٹرول کوٹا کی کمی سے خزانہ پر بوجھ نہیں پڑے گا کچھ کم ہوگا،

تحریک انصاف کے رہنما فواد چودھری کا کہنا تھا کہ حکومتی وزرا ،ججز، اور سول افسران یکجہتی دکھائیں ، پیٹرول الاؤنسز معطل کر دیں،پیٹرول کی قیمتیں واپس آنے تک اعلیٰ عہدوں پر براجمان لوگ عوام کی تکلیف میں حصہ دار بنیں،علامتی طور پر عوام کے ساتھ نظر تو آئیں، آپ کے دورے ہی ختم نہیں ہو رہے،سابق وفاقی وزیر فوادچودھری

25 روپے اضافے جیسے عوام دشمن اقدام کا دفاع کوئی منتخب وزیر نھیں کرسکتا یہ فریضہ باہر سے لائے گئے پراسرارمشیر ھی کر سکتے ، سلمان غنی

‏کچھ دن پہلے پٹرول سستا ھونے پر ذلیل ھو رھا تھا اب مہنگا ھونے پر ذلیل ھو گا، مشاہد اللہ خان

پٹرول ذخیرہ کرنے والوں کوکس کی پشت پناہی حاصل ہے؟ قادر پٹیل

‏جیسا مافیا چاہتا تھا ویسا نہیں ملا ، وسیم بادامی کا پٹرول کی قیمتوں میں اضافے پر تبصرہ

ہارن بجاؤ، حکمران جگاؤ، وزیراعظم ہاؤس کے سامنے ہارن بجا کر احتجاج کا اعلان ہو گیا

وزیراعظم نے مافیا کے آگے ہتھیار ڈال دیئے،مثبت اقدام نہیں کر سکتے تو گھر جانا ہو گا، قمر زمان کائرہ

جنوری کے مقابلے میں پٹرول اب بھی 17 روپے سستا ہے،عمر ایوب کی انوکھی وضاحت

Leave a reply