این ایل سی (نیشنل لاجسٹک سیلز) کی جانب سے گلگت بلتستان کے ضلع غذر میں پھنڈر سرمائی کھیلوں کا شاندار انعقاد کیا گیا۔
اس ایونٹ کا مقصد نہ صرف مقامی سطح پر کھیلوں کی ترویج بلکہ سیاحت کے فروغ کو بھی اجاگر کرنا تھا۔ این ایل سی نے پھندر ونٹر سپورٹس کلب اور غذر سپورٹس نیٹ ورک کے ساتھ مشترکہ طور پر ان کھیلوں کا اہتمام کیا۔پھنڈر سرمائی کھیلوں کے دوران خواتین کی آئس ہاکی ٹیم "پھنڈر ٹراوٹس” نے شاندار کھیل کا مظاہرہ کرتے ہوئے یاسین جانباز کو شکست دی اور آئس ہاکی چمپیئن شپ اپنے نام کر لی۔ اسی طرح مردوں کے آئس ہاکی مقابلے میں بھی پھنڈر ٹراؤٹس نے جی بی سکاؤٹس کو شکست دے کر فتح حاصل کی۔
ان مقابلوں کا مقصد گلگت بلتستان میں روایتی کھیلوں کو فروغ دینا اور علاقے میں سیاحت کے امکانات کو بڑھانا تھا۔ اس ایونٹ میں نہ صرف مقامی افراد بلکہ ملک بھر سے بڑی تعداد میں شائقین نے شرکت کی۔ اس میلے نے نہ صرف مقامی لوگوں کو تفریح فراہم کی بلکہ سماجی اور اقتصادی سرگرمیوں میں بھی اضافہ کیا۔
ویمن اور مین آئس ہاکی مقابلے: میلے میں موسم سرما کے روایتی کھیلوں کے علاوہ خواتین اور مردوں کی ٹیموں کے آئس ہاکی کے مقابلے بھی شامل تھے۔ ان مقابلوں کی خاص بات یہ تھی کہ خواتین نے مختلف کھیلوں میں حصہ لے کر اپنی صلاحیتوں کا بھرپور مظاہرہ کیا، جس سے اس ایونٹ کی کامیابی میں مزید اضافہ ہوا۔یہ ایونٹ مقامی لوگوں کی حوصلہ افزائی کے لیے ایک اہم قدم ثابت ہوا اور گلگت بلتستان کے سرد موسم میں کھیلوں کے فروغ کے لیے ایک نیا باب کھولا۔
کیا ائیر بیسز پر حملہ کرنے پر آرمی ایکٹ کا اطلاق ہوتا ہے؟جسٹس حسن اظہر
پاکستانی لڑکے سے شادی کیلیے کراچی آئی امریکی خاتون کی واپسی کے لئے شرط
