فلپائن میں ڈینگی سے متاثرہ افراد کی تعداد کتنی، ہوشربا رپورٹ سامنے آ گئی

فلپائن میں رواں سال پہلے آٹھ ماہ میں ڈینگی کے جان لیوا مرض میں مبتلا افراد کی تعداد 188000 سے زائد ہو گئی جبکہ ڈینگی سے 807 افراد کی موت ہوئی ہے۔

فلپائن کے محکمہ صحت (ڈی او ایچ)کے مطابق رواں سال تین اگست تک ڈینگو کے کل 188562 کیسز سامنے آئے جو گزشتہ سال کے مقابلے میں دو گناہ زیادہ ہیں۔ پچھلے سال اسی عرصہ میں یہ تعداد 93,149تھی۔

ڈی او ایچ کے مطابق ڈینگی سے اموات کی تعداد 807ہے ، جو 2018 میں اسی عرصہ میں 497 اموات تھی۔

محکمہ صحت نے کہا ہے کہ ڈینگی سے زیادہ تر فلپائن کے وسطی اور جنوبی علاقے متاثر ہوئے۔ ڈینگی سے زیادہ تر بچے متاثر ہوئے جن کی عمر پانچ سے نو سال تک ہے ۔23فیصد بچوں میں ڈینگی کے جراثیم پائے گئے ہیں۔

محکمہ صحت نے خبردار کیا ہے کہ برسات کے موسم کی وجہ سے ڈینگی کے کیسز میں اکتوبر تک اضافہ ہو گا۔

یاد رہے کہ ڈینگی مچھر سے چلنے والا وائرل انفیکشن ہے جوجوڑوں کے درد ، متلی ، الٹی اور جلدی بیماری، سانس کی دشواریوں ، ہیمرج اور عضو کی خرابی کا سبب بن سکتا ہے۔ ورلڈ ہیلتھ آرگنائزیشن (ڈبلیو ایچ او) کے مطابق کہ پچھلے 50 سالوں میں ڈینگی کے واقعات میں 30 گنا اضافہ ہوا ہے۔

جواب چھوڑیں

آپ کا ای میل ایڈریس شائع نہیں کیا جائے گا.