باکمال لوگ ، لاجواب سروس ! پی آئی اے نے حج آپریشن 2019 کامیابی سے مکمل کرلیا

0
25

اسلام آباد:الحمد للہ تمام پاکستانی حاجی وطن واپس پہنچ گئے ہیں ، پی آئی اے اعلامیے کے مطابق پی آئی اے کا حج آپریشن کامیابی سے مکمل ہوگیا۔ پی آئی اے نے 300حج پروازوں کے ذریعے 83ہزار سے زائد حجاج کرام کو وطن پہنچایا۔

پاکستانی حاجیوں کی وطن واپسی سے متعلق قومی ائیر لائن کے ترجمان کے مطابق پی آئی اے نے کراچی،لاہور،اسلام آباد،ملتان،پشاور،سیالکوٹ اور کوئٹہ کیلئے حج پروازیں آپریٹ کیں۔ پی آئی اے نے جدہ اور مدینہ سے حجاج کرام کو بروقت وطن پہنچانے کی شرح90فیصد سے زائد رہی۔

دوسری طرف اس سلسلے میں سی ای او ائیر مارشل ارشد ملک نے کہاکہ پی آئی اے کی تاریخ میں پہلی مرتبہ حج آپریشن اپنے ہی طیاروں سے مکمل کیا۔ حج آپریشن میں بوئنگ777اور ایئربس320طیارے استعمال کیے گئے، یا درہے کہ اس سال پاکستان کی تاریخ میں حاجیوں کی پاکستان سے سعودی عرب اور سعودی عرب سے پاکستان واپسی کا لمحہ بہ لمحہ مانیٹرنگ کی گئی اور پھر حاجیوں سے انتظامات کے حوالے سے سوال بھی کیے گئے کہ کیا وہ مطمئن ہیں انتظامات سے تو 99 فیصد حاجیوں نے کہا کہ وہ مطمئن ہیں‌

Leave a reply