پی آئی اے کی پہلی ائیر سفاری پرواز اسلا م آباد سے روانہ

قومی ایئر لائن پی آئی اے کی پہلی ایئر سفاری پرواز اسلام اباد سے 13 ممالک کے 91 شہریوں کے ساتھ روانہ روانہ ہوگئی۔

باغی ٹی وی : تفصیلات کے مطابق ایئر سفاری پرواز 13 ملکوں کی شہریت رکھنے والے 91 مسافروں کے ساتھ روانہ ہوئی جس میں بہت کثیر تعداد میں غیر ملکی مہمان شریک ہیں پرواز میں وفاقی وزیر توانائی حماد اظہر بھی ذاتی حیثیت میں سیاحوں میں شامل ہیں-

مسافروں پاکستان کی حسین پہاڑی سلسلے کو دیکھنے کیلئے جوش و خروش کا اظہار کررہے ہیں ایئر سفاری کا یک طرفہ سفری دورانیہ ایک گھنٹے ہوگا-

سیاحوں کو بلند ترین پہاڑوں کے ٹو، نانگا پربت، براڈ پیک ، دنیا کے بلند ترین گلیشیئرز و جھیلوں کی فضائی سیر کرائی جائےگی۔

ایئر ‏سفاری کالام، جھیل سیف الملوک، ناگاپربت، کے ٹو سے گزر کر اسکردو میں لینڈ کرے گی ایئر سفاری اسکردو شہر میں دو گھنٹے قیام کرے گی، مسافروں کو خصوصی بسوں کےذریعے سیاحتی مقام شنگریلا لے جایا جائےگا۔

خیال رہے کہ ایئر سفاری کا آغاز 12 جون سے ہونا تھا تاہم پی آئی اے نے شمالی علاقہ جات کی ایئرسفاری پروازیں ایک ہفتے کیلئے ملتوی کر ‏دی تھی اس حوالے سے ترجمان پی آئی اے کا اپنے بیان میں کہنا تھا کہ سفاری پرواز ملتوی کرنے کا فیصلہ محکمہ موسمیات کے جاری ‏مراسلے پر کیا گیا –