ورلڈ ہیڈر ایڈ

پی آئی اے غریب ہوگئی، جہاز اڑانے کے لیے پٹرول نہیں،پٹرول کے لیے پیسے نہیں‌، باکمال لوگ ، لاجواب سروس

لاہور : باکمال لوگ ، لاجواب سروس ؛ پی آئی اے غریب ہوگئی ، جہاز اڑانے کے لیے پٹرول نہیں اور پٹرول کے لیے پی آئی اے کے پاس پیسے نہیں‌ ، اطلاعات کے مطابق کراچی سے لاہور آنے والی پرواز صرف اس لیے موخر کردی گئی ہے کہ جہاز اڑانے کے لیے ایندھن ہی نہیں‌تھا ،

باغی ٹی وی کے مطابق آج شام پی آئی اے کی پرواز ٹھیک 7 بجے کراچی سے لاہور کے لیےروانہ ہونا تھی . لیکن نہ ہوسکی جس پر مسافروں نے انتظامیہ سے پوچھا کہ آپ لاہور کے لیے پرواز کو اڑنے کیوں نہیں‌دے رہے ، جس کے جواب میں پی آئی اے انتظامیہ نے حیران کردینے والا جواب دیا کہ ہمارے پاس تو جہاز کو اڑانے کے لیے ایندھن کے پیسے ہی نہیں ہم کیا کرسکتے ہیں ، جب تک پیسے نہیں‌ملتے اورجہاز کو ایندھن نہیں ملتا پرواز روانہ نہیں ہوسکتی

باغی ٹی وی کے مطابق مسافروں کے احتجاج پر انتظامیہ نے کہا کہ اب یہ پرواز 10:30 پر لاہور کے لیے روانہ ہوگی، حکام نے یہ بھی بتا دیا کہ اگر وقت پر ایندھن کا انتظام نہ ہوسکا تو یہ پرواز مزید بھی تاخیر کا شکار ہو سکتی ہے ،

دوسری طرف مسافر احتجاج کررہے ہیں کہ باکمال لوگ اور لاجواب سروس نے تو واقعی کمال کردکھایا کہ مسافروں کے لاوارث چھوڑ کر پریشان کردیا ہے ، مسافر سخت پریشان ہیں اور پی آئی اے کی اس قدر ناہلی اور غربت پر حکومت اور پی آئی اے انتظامیہ کو آڑے ہاتھوں لے رہے ہیں ، مسافروں نے اس واقعہ کی تحقیقات کا بھی مطالبہ کیا ہے

جواب چھوڑیں

آپ کا ای میل ایڈریس شائع نہیں کیا جائے گا.