مقبوضہ کشمیر میں قائداعظم ؒ، صدر، وزیراعظم کی تصاویر اور بیانات والے پوسٹرز لگ گئے،کشمیریوں نے عمران خان سے امیدیں لگالیں

0
26

سری نگر:مقبوضہ کشمیر میں قائداعظم ؒ، صدر، وزیراعظم کی تصاویر اور بیانات والے پوسٹرز لگ گئے،کشمیریوں نے عمران خان سے امیدیں لگالیں ،اطلاعات کے مطابق مقبوضہ کشمیر میں بانی پاکستان قائداعظم محمد علی جناحؒ، صدر مملکت عارف علوی اور وزیراعظم پاکستان عمران خان کی تصاویر اور بیانات والے پوسٹرز لگ گئے۔

کشمیر میڈیا سروس کے مطابق یہ پوسٹرز سرینگر، گندربل، بانڈی پورہ، بڈگام اور دیگر علاقوں میں لگے۔ سرینگر میں جموں کشمیر لبریشن الائنس کی جانب سے لگائے گئے پوسٹرز پر قائداعظمؒ کی تصویرکے ساتھ پاکستان ہماری شہ رگ ہے بھی لکھا ہے۔

مقبوضہ کشمیر سے ذرائع کے مطابق پوسٹرز پر صدر عارف علوی کی تصویرکے ساتھ آزادی کشمیریوں کا پیدائشی حق ہے اور وزیراعظم عمران خان کی تصویر کے ساتھ کشمیریوں کے لیے ہر سطح پر ہر قسم کا تعاون کریں گے اور ’کشمیریوں کو تنہا نہیں چھوڑیں گے‘ کے بیانات بھی درج ہیں۔وزیراعظم کے بیانات ’جموں کشمیر کے لیے ہر سطح پر ہر قسم کا تعاون کریں گے‘ کے بینر لگے ہوئے ہیں۔

کشمیر میڈیا سروس کے مطابق مقبوضہ وادی میں27 اکتوبر کی بھارتی جارحیت کے خلاف یوم سیاہ منانے کے پوسٹرز بھی لگائے گئے ہیں۔ یاد رہے کہ 27 اکتوبر1947 کو بھارتی افواج نے وادی کشمیر پر جارحیت کر کے ناجائز قبضہ کیا تھا۔

یاد رہےکہ دوسری طرف پاکستان میں اپوزیشن جماعتیں اپنی سیاست زندہ رکھنےکےلیے یہ پراپیگنڈہ کررہی ہیں کہ عمران خان کے دورمیں کشمیر ایشوکمزور ہوا ہے لیکن کشمیریوں نے پاکستانی اپوزیشن کے ان الزامات جوجھوٹ کا پلندہ قراردیتے ہوئےکہا ہےکہ اگر73 سال کی تاریخ میں کسی نے مسئلہ کشمیر موثرطورپرپیش کیا ہے تووہ پہلی بارعمران خان نے کیا ہے اوراس کی کریڈٹ بھی عمران خان کوجاتا ہے

Leave a reply