ماحولیاتی نمونوں میں پولیو وائرس کی تصدیق ،پنڈی کی 7 یوسیز ریڈزون قرار

7 یوسیز میں دوبارہ چیکنگ شروع کر دی گئی ہے
Polio Virus

راولپنڈی:سندھ، بلوچستان اور خیبرپختونخوا کے 10 مقامات سے لیے گئے ماحولیاتی نمونوں میں پولیو وائرس کی تصدیق کے بعد راولپنڈی ڈسٹرکٹ ہیلتھ اتھارٹی نے اسلام آباد کی حدود سے ملحقہ سات یونین کونسلز کو پولیو کے لیے ریڈ زون قرار دے دیا۔

باغی ٹی وی: نجی خبررساں ادارےنے ڈی ایچ اے ذرائع کے حوالے سے بتایا کہ گھر گھر جا کر اس بات کی تصدیق کے لیے خصوصی ٹیمیں تشکیل دی گئی ہیں کہ کوئی بچہ پولیو کے قطرے پلانے سے محروم نہ رہ جائے جن لوگوں نے ابھی تک پولیو کے قطرے نہیں پلائے ہیں، انہیں فوری طور پر پولیو ویکسین پلائی جائے گی،راولپنڈی کے انٹری پوائنٹس سے متصل 7 یوسیز کو پولیو کے حوالے سے ریڈ زون قرار دیا گیا ہے۔

یونیسیف اور بل گیٹس فاؤنڈیشن کے تحت قائم ڈسپنسریوں کو بھی ریڈ زون میں گھر گھر جا کر بچوں کو پولیو کے قطرے پلانے کی انتظامیہ کی تصدیق کے عمل میں شامل کیا گیا ہے ان 7 یوسیز میں بھی کھلے نالے پائے گئے ہیں۔

پاکستان اور افغان وزرائے خارجہ کا ٹیلیفونک رابطہ، دوطرفہ تعلقات مستحکم بنانے کا عزم

ڈی ایچ اے کے چیف ایگزیکٹو ڈاکٹر اعجاز احمد کا کہنا ہے کہ پولیو کے خاتمے کی مہم کے دوران ہر ممکن کوشش کی جاتی ہے کہ کوئی بچہ پولیو کے قطرے پلانے سے محروم نہ رہے، اس کے باوجود 7 یوسیز میں دوبارہ چیکنگ شروع کر دی گئی ہے اور پولیو کے قطرے پلائے جا رہے ہیں۔

سینیٹ الیکشن: محسن نقوی آزاد امیدوار کی حیثیت میں حصہ لیں گے

چیئرمین سینیٹ کے لیے فیورٹ امیدوار پیپلز پارٹی …

Comments are closed.