fbpx

پیرپگارا اور نوازشریف کی خواہش ہے مسلم لیگ متحد ہو،شہباز شریف

پیرپگارا اور نوازشریف کی خواہش ہے مسلم لیگ متحد ہو،شہباز شریف

پاکستان مسلم لیگ (ن) کے صدر اور قائد حزب اختلاف شہباز شریف کی کنگری ہاؤس آمد ہوئی ہے

شہباز شریف نے مسلم لیگ فنکشنل کے سربراہ اور حروں کے روحانی پیشوا پیر سید صبغت اللہ شاہ پیر پگاڑا سے ملاقات ہوئی ہے،شہباز شریف نے سید صبغت اللہ شاہ، ان کے بھائی سید صدر الدین شاہ راشدی سے ان کی والدہ کی وفات پر تعزیت اور فاتحہ خوانی کی.شہباز شریف نے پیر پاگارا سے ان کی اہلیہ کی وفات پر بھی تعزیت کی
@MumtaazAwan
اس موقع پر مسلم لیگ (ن) کے دیگر قائدین کے علاوہ پیر پگاڑا کے صاحبزادے سید راشد شاہ بھی موجود تھے ،شہباز شریف کا کہنا تھا کہ والدہ کی وفات ایک بڑا صدمہ ہے، اس غم سے گزرا چکا ہوں، آپ کے احساسات سمجھ سکتا ہوں سامراج کے خلاف اور قیام پاکستان میں پگاڑا خاندان، ان کے اسلاف اور حروں نے ناقابل فراموش کردار ادا کیا ہے ہم پگاڑا خاندان اور حروں کی پاکستان کے لیے خدمات اور عظیم قربانیوں کو خراج تحسین پیش کرتے ہیں پیرپگارا اور نوازشریف کی خواہش ہے مسلم لیگ متحد ہو، پیرصاحب اور نوازشریف کےدرمیان اچھے تعلقات ہیں،
پیرصاحب کو لاہورآنے کی دعوت دی جو انہوں نے قبول کی

قبل ازیں پاکستان مسلم لیگ (ن) کے صدر اور قائد حزب اختلاف شہباز شریف کی سابق گورنر سندھ ممتاز بھٹو کی رہائشگاہ آمد ہوئی،شہباز شریف نے ممتاز بھٹو مرحوم کے صاحبزادے امیر بخش بھٹو سے ملاقات کی شہباز شریف نے اہل خانہ سے تعزیت کی اور فاتحہ خوانی کی ،شہباز شریف کاکہنا تھا کہ ممتاز بھٹو نے قومی اور سندھ کی سیاست میں اہم کردار ادا کیا وہ ایک ایسی شخصیت تھے جو پاکستان کی تاریخ کے اہم واقعات میں شریک رہے

پاکستان مسلم لیگ (ن) کے صدر اور قائد حزب اختلاف شہباز شریف کی سابق صدر ممنون حسین کی رہائشگاہ آمد ہوئی شہباز شریف نے سابق صدر ممنون حسین کے صاحبزادوں ارسلان اور سلمان سے ملاقات کی شہباز شریف نے اہل خانہ سے تعزیت کی اور فاتحہ خوانی کی، شہباز شریف کا کہنا تھا کہ ملک و قوم، جمہوریت اور پارٹی کے لئے ان کی خدمات تادیر یاد رکھی جائیں گی وہ ایک صاف گو، پختہ نظریات پر کاربند اور بصیرت افروز شخصیت کے مالک تھے