ورلڈ ہیڈر ایڈ

وزیراعظم آزاد کشمیر کی قیادت میں لندن میں ہو گا کشمیر فری مارچ

ساؤتھ آل لندن ویسٹرن ہوٹل میں آل پارٹیز کانفرنس زیر صدارت راجہ شکیل حیدر منعقد ہوا۔ جس میں بروز منگل 3 ، ستمبرلندن میں ہونے والے تاریخی کشمیر مارچ کو حتمی شکل دی گئی جس میں پاکستان اور آزاد کشمیر کی تمام سیاسی و سماجی تنظیموں کے نمائندوں نے شرکت کی.

باغی ٹی وی کی رپورٹ کے مطابق اس تاریخی “ کشمیر فری مارچ “ کا آغاز پارلیمنٹ سکوائیر لندن سے ہو گا اور یہ مارچ لندن کی مختلف شاہراہوں سے ہوتا ہوا انڈین ہائی کمشن آل ڈچ پر اختتام پذیر ہوگا ،کشمیرفری مارچ کی قیادت آزاد کشمیر کے وزیر اعظم راجہ فاروق حیدر کریں گے۔ مارچ میں مقبوضہ کشمیر کے رہنماوں کے علاوہ پاکستان اور کشمیری سیاسی پارٹیوں کے مرکزی قائدین بھی شامل ہوں گے اس کشمیر فری مارچ کی آواز دنیا بھر کے ایوانوں تک جائے گی ۔

راجہ شکیل حیدر نے کہا کہ بھارت اپنی دہشت گرد فوج کی مددسے نہتے کشمیریوں پر ظلم وستم کے پہاڑ توڑ رہا ہے ، کشمیری اس وقت مشکل ترین دور سے گزر رہے ہیں جن کے پاس خوراک اور ادویات ختم ہو چکی ہیں ۔کشمیری مسلمان مساجد تک نہیں جا سکتے اس وقت عالمی طاقتوں ، انسانی حقوق کی تنظیموں اور اقوام متحدہ کو جھنجھوڑ نے کی ضرورت ہے ۔

اجلاس میں چوہدری طارق، بوبی کشمیری، چوہدری مظہر ، راجہ سکندر ، چوہدری سعید ،اقبال منور سندھو ،شمع احرام، حنا ءملک ،راجہ قیوم ،شیخ سربلند ، گوگی پہلوان ،کونسلر وحید اکبر، کونسلر راجہ اسلم اور کونسلر سرفراز حسین شریک ہوئے۔ میٹنگ میں کشمیر فری مارچ کے شرکاءسے اپیل کی گئی کہ وہ صرف اور صرف کشمیری اور سیاہ جھنڈوں کے ساتھ شریک ہوں ۔ کشمیرفری مارچ کے اختتام پر کشمیر کی آزادی کیلئے اجتماعی دعا کی جائے گی۔

جواب چھوڑیں

آپ کا ای میل ایڈریس شائع نہیں کیا جائے گا.