وزیراعظم کی دھمکیوں کے باوجود جدوجہد جاری ہے، بلاول

وزیراعظم کی دھمکیوں کے باوجود جدوجہد جاری ہے، بلاول

باغی ٹی وی : چیئرمین پیپلزپارٹی بلاول بھٹو زرداری نے کہا ہے کہ وزیراعظم کی دھمکیوں کے باوجود جدوجہد جاری ہے، حکمرانوں سے چھٹکارے کی تحریک ضرور کامیاب ہو گی۔

بلاول بھٹو زرداری نے سانحہ کارساز کی13ویں برسی پر پیغام میں کہا کہ پیپلزپارٹی سانحہ کارساز کے شہداء کو خراج عقیدت پیش کرتی ہے، پارٹی کارکنان نے جمہوریت اور آئین کی بالادستی کیلئے شہادتیں قبول کیں۔ انہوں نے کہاکہ پی ڈی ایم جمہوریت پسند پارٹیوں کا سیاسی اتحاد ہے،یہ سیاسی اتحاد جمہوریت،معیشت اور خارجہ پالیسی کو درپیش برائیوں سے نجات کیلئے ہے،۔

بینظیر کی قاتل کالعدم ٹی ٹی پی کے دوستوں‌کے ہاتھ آج کراچی جلسے کی قیادت ہے ، فواد چوہدری

چیئرمین پیپلز پارٹی نے کہا کہ شہدائے کارساز کو کو جمہوریت پسند کارکنوں کے طور پر ہمیشہ یاد رکھا جائے گا۔

واضح‌رہے کہ کراچی میں پاکستان ڈیموکریٹک موومنٹ کے جلسے کی تیاریاں مکمل کر لی گئیں، حزب مخالف جماعتوں کی جانب سے آج باغ جناح میں سیاسی پاور شو کا مظاہرہ کیا جائے گا۔

حکومت کو گھر بھیجنے کا مشن، پی ڈی ایم آج شہر قائد میں طاقت دکھائے گی۔ پیپلز پارٹی جلسے کی میزبانی کرے گی۔ باغ جناح میں 160 فٹ طویل اور 60 فٹ چوڑا اسٹیج تیار کر لیا گیا۔ جلسہ کے مقام پر پیپلز پارٹی، جے یو آئی، ن لیگ، اے این پی کے کارکن پرجوش دکھائی دیتے ہیں۔