اسلام آباد : وزیر اعظم عمران خان آج عوام سے براہ راست مخاطب ہوں گے۔

باغی ٹی وی : تفصیلات کے مطابق ( اتوار ) کوسہ پہر تین بجے "آپ کا وزیر اعظم۔۔۔آپ کے ساتھ” پروگرام میں عوام سے برا ہ راست گفتگو کریں گے اس حوالے سے مائیکرو بلاگنگ ویب سائٹ پر ٹویٹ کرتے ہوئے وفاقی وزیر اطلاعات و نشریات چوہدری فواد حسین نے کہا کہ وزیراعظم عمران خان ٹیلی فون کالز اور سوشل میڈیا پیغامات کے ذریعے عوام سے براہ راست گفتگو کریں گے۔

وزیر اعظم عمران خان کل سہ پہر تین بجے "آپ کا وزیر اعظم –آپ کے ساتھ" پروگرام میں ٹیلی فون کالز اور سوشل میڈیا پیغامات کے ذریعے عوام سے براہ راست مخاطب ہوں گے

— Ch Fawad Hussain (@fawadchaudhry) July 31, 2021

یاد رہے کہ رواں سال فروری سے وزیراعظم عمران خان "آپ کا وزیر اعظم۔۔۔آپ کے ساتھ” پروگرام میں عوام سے براہ راست رابطہ رکھے ہوئے ہیں ،مذکورہ پروگرام میں عوام براہ راست سوالات پوچھیں گے اور وزیر اعظم اُن کے جواب دیں گے۔