عمران خان آج سعودی عرب جارہے ہیں جہاں کشمیر اور سعودی عرب کی سلامتی کے حوالے سے اہم فیصلے ہوں گے

اسلام آباد: حسب روایت و حسب سابق پاکستان نے ایک بار پھر سعودی عرب کی سلامتی کو حائل مشکلات کا جائزہ لینے اور ان کو دور کرنے کے لیے اپنا کردار ادا کرنے کا فیصلہ کیا ہے، اس سلسلے میں‌وزیراعظم عمران خان 2 روزہ دورے پر آج سعودی عرب روانہ ہورہے ہیں‌۔

دوسری طرف پاکستانی دفتر ترجمان دفتر خارجہ کے مطابق وزیراعظم کا دورہ سعودی عرب نیویارک میں اقوام متحدہ کی جنرل اسمبلی کے اجلاس سے پہلے ہوگا۔یہ بھی معلوم ہوا ہےکہ وزیراعظم سعودی قیادت سے مقبوضہ کشمیر کی بگڑتی صورتحال پر تبادلہ خیال کریں گے، معتبر ذرائع کے حوالے سے معلوم ہوا ہے کہ وزیراعظم کے دورے میں پاک سعودی اقتصادی تعلقات مزید مضبوط کرنے پر بات ہوگی۔

اب کون ہوں گے امریکی قومی سلامتی کے مشیر ٹرمپ نے اعلان کرکے سب کو حیران کردیا

یاد رہے کہ وزیراعظم عمران خان کا دورہ ایسے وقت میں ہورہا ہے جب سعودی تیل تنصیبات پر حملے کے بعد ایران کے ساتھ تعلقات کشیدہ ہیں اور مشرق وسطیٰ میں کشیدگی بڑھ رہی ہے دوسری طرف ایران سعودی تنازعے میں امریکی وزیرخارجہ بھی سعودی عرب میں موجود ہیں۔ وزیراعظم عمران خان کا عہدہ سنبھالنے کے بعد سعودی عرب کا یہ چوتھا دورہ ہے