اسلام آباد: وزیر اعظم عمران خان نے یورپی یونین کونسل کے صدر سے روس اور یوکرین فوجی تنازع پر تشویش کا اظہار کیا ہے۔
باغی ٹی وی : سماجی رابطے کی ویب سائٹ پر وزیر اعظم عمران خان نے کہا کہ آج یورپی یونین کونسل کے صدر چارلس مائیکل سے یوکرین کی صورت حال پر بات کی اور یوکرین میں جاری عسکری تنازع پر تحفظات کے اظہار کے ساتھ ساتھ ترقی پذیر ممالک پر مرتب ہونے والے اس کے مہلک معاشی اثرات پر روشنی ڈالی اس کے ساتھ جنگ بندی اور صورت حال کی شدت میں فوری کمی کی ضرورت پر بھی زور دیا۔
Earlier today I spoke with EU Council President @CharlesMichel about the Ukraine situation. Shared concern over continued military conflict, highlighted its adverse economic impact on developing countries, stressed urgent need for ceasefire & de-escalation.
— Imran Khan (@ImranKhanPTI) March 7, 2022
عمران خان نے انسانی امداد کی ضرورت پر زور دیتے ہوئے کہا کہ تنازع کو بات چیت اور سفارت کاری سے حل کرنے کی ضرورت ہےہم نے اس بات پر بھی اتفاق کیا کہ پاکستان کی طرح کے ممالک اس صورت حال میں سہولت کاری کا کردار ادا کر سکتے ہیں۔
I emphasized the importance of humanitarian relief & reiterated call for a solution through dialogue & diplomacy. We agreed that countries like Pakistan could play a facilitating role in this endeavour. I look forward to close engagement to promote shared objectives.
— Imran Khan (@ImranKhanPTI) March 7, 2022
وزیر اعظم نے کہا کہ وہ مشترکہ مقاصد کے فروغ کے لیے قریبی روابط کے خواہش مند ہیں۔
وزیراعظم کے دفتر سے جاری بیان کے مطابق چارلس مائیکل سے گفتگو میں وزیراعظم نے مزید کہا کہ پاکستان کا اصولی مؤقف ہے کہ وہ صرف امن میں شراکت دار ہوگا اور یوکرین انسانی ریلیف کی اہمیت پر بھی زور دیا۔
انہوں نے یورپیئن کونسل کے صدر کو بتایا کہ پاکستان کے یوکرین اور روس دونوں سے دوستانہ مراسم ہیں اور وہ دونوں سے قریبی رابطے میں ہیں۔
وزیراعظم نے تنازع کو مذاکرات اور سفارت کاری سے حل کرنے کی امید ظاہر کرتے ہوئے کہا کہ پاکستان اس تنازع کے حل میں سفارت کار کا کردار ادا کر سکتا ہے اور مشترکہ مقاصد کے حصول کے لیے قریبی رابطے میں رہنے کا عزم ظاہر کیا۔
