fbpx

وزیر اعظم کاصدرمملکت ،اتحادیوں اورمسلح افواج کے سربراہان سے ٹیلیفونک رابطہ،عید کی مبارکباد

اسلام آباد: وزیراعظم شہباز شریف نے صدر مملکت عارف علوی اور مسلح افواج کے سربراہان،آصف زرداری ،بلاول بھٹو سمیت دیگر اتحادیوں کو فون کرکے عید کی مبارکباد دی۔

باغی ٹی وی : وزیراعظم شہباز شریف نے تمام اتحادی جماعتوں کے قائدین کو فون پرعید کی مبارکبا دی سابق صدرآصف زرداری، وزیرخارجہ بلاول بھٹو، مولانا فضل الرحمان،چوہدری شجاعت، سردار اخترمینگل، محمود اچکزئی اور اسلم بھوتانی سمیت دیگر سیاسی رہنماؤں کو فون کر کے عید کی مبارکباد دی اور ساتھ ہی ملکی سیاسی صورتحال سمیت دیگر امور پر بھی بات کی۔

پاکستان میں میڈیا آوٹ لیٹس اور سول سوسائٹی پر پابندیوں سے آگاہ ہیں،انٹونی بلنکن

وزیر اعظم نے صدر مملکت عارف علوی، چیئرمین جوائنٹ چیفس جنرل ندیم رضا، آرمی چیف جنرل قمر جاوید باجوہ، ائیر چیف ظہیر احمد بابر اور نیول چیف ایڈمرل امجد نیازی کو ٹیلی فون کرکے عید کی مبارکباد دی۔

اس کے علاوہ شہباز شریف نے وزیراعظم آزاد کشمیر سردار تنویر الیاس کو بھی فون کرکے عید کی مبارکباد دی اور مقبوبضہ کشمیر کے عوام پر نماز عید کے اجتماعات پر پابندیوں کی مذمت بھی کی وزیراعظم نے کشمیریوں کو حق استصواب رائے ملنے تک سیاسی، اخلاقی اور سفارتی حمایت کے عزم کا اظہا کیا۔

وزیراعظم کی شاہ سلمان، سعودی اور متحدہ عرب امارات کے ولی عہد کو عید کی مبارکباد

وزیراعظم شہباز شریف نے سندھ، خیبرپختونخوا، گلگت بلتستان کے وزرائے اعلیٰ سمیت قائم مقام گورنر بلوچستان کو بھی عید پر فون کرکے مبارکباد دی تاہم وزیراعلیٰ بلوچستان کے بیرون ملک دورے پر ہونے کی وجہ سے وزیراعظم کی ان سے بات نہ ہوسکی۔

آرمی چیف کی فوجی جوانوں کیساتھ عید، اہلیہ کے ہمراہ شہدا کے گھر بھی گئے