وزیراعظم شہباز شریف کل چیف جسٹس سے سپریم کورٹ میں ملاقات کریں گے

، وفاقی وزیر قانون اعظم نذیر تارڑ نے ملاقات کی تصدیق کی
0
105
PM

اسلام آباد: وزیراعظم کل جمعرات کو چیف جسٹس آف پاکستان سے ملاقات کریں گے-

باغی ٹی وی: ذرائع کے مطابق وزیر قانون اعظم نذیر تارڑ بھی وزیر اعظم کے ہمراہ ہوں گے اور یہ ملاقات کل دوپہر2 بجےسپریم کورٹ میں ہو گی، ملاقات میں اسلام آباد ہائیکورٹ ججز کے خط پر گفتگو ہوگی ، وفاقی وزیر قانون اعظم نذیر تارڑ نے ملاقات کی تصدیق کی ہے

ذرائع نے تصدیق کی ہے کہ اٹارنی جنرل اور وزیر قانون نے آج وزیر اعظم سے ملاقات بھی کی ہے وزیر اعظم سے ملاقات سے قبل اٹارنی جنرل چیف جسٹس پاکستان سے بھی ملے تھے، اٹارنی جنرل نے وزیر اعظم کوچیف جسٹس پاکستان سے ملاقات کی تفصیلات سےآگاہ کیا۔

واضح رہے کہ اسلام آباد ہائیکورٹ کے 6 ججز کے خط کے معاملے پر چیف جسٹس پاکستان قاضی فائز عیسیٰ کی زیر صدارت سپریم کورٹ کا فل کورٹ اجلاس ہوا،اجلاس میں اسلام آباد ہائی کورٹ کے ججز کے خط پر غور کیا گیا اور ججز کے خط کی آئینی و قانونی حیثیت کا جائزہ لیا گیا جبکہ یہ اجلاس تقریباً ڈھائی گھنٹے تک جاری رہا۔

Leave a reply