fbpx

وزیر اعظم عمران خان سے وفاقی وزراکی ملاقاتیں، ملک کی صورتحال پر تبادلہ خیال کیا گیا

وزیر اعظم عمران خان سے وفاقی وزرا نے ملاقاتیں کیں-

باغی ٹی وی : وزیراعظم عمران خان سے وزیر منصوبہ بندی اسد عمر نے ملاقات کی وزیراعظم کو کراچی کی ترقی کے لیے جاری مختلف منصوبوں پر پیش رفت سے آگاہ کیا گیا وزیراعظم کو بتایا گیا کہ نیو کراچی سرکلر ریلوے (KCR) کے آغاز کی منظوری کا عمل جلد مکمل کر لیا جائے گا-

وزیرِ اعظم نے کہا کہ وفاقی حکومت پاکستان کے سب سے بڑے شہر میں لوگوں کو ٹرانسپورٹ کی سہولیات کی فراہمی یقینی بنائے گی ماضی میں حکومتیں ملک کے اقتصادی مرکز کراچی کو نظر انداز کرتی رہیں کراچی میں روزگار کیلئے مزدوروں و افرادی قوت کی صنعتوں تک آسان رسائی حکومت کی اولین ترجیحات میں سے ایک ہے-

وزیراعظم عمران خان سے وزیر خارجہ شاہ محمود قریشی نے بھی ملاقات کی ملاقات میں پارٹی امور اور ملک کی مجموعی سیاسی صورتحال پر تبادلہ خیال کیا گیا اسکے علاوہ افغانستاں اور خطے کی مجموعی صورتحال پر بھی گفتگو کی گئی –

وزیرِ اعظم عمران خان سے وفاقی وزیرِ صنعت و پیداوار مخدوم خسرو بختیار نے ملاقات کی ملاقات میں وزیرِ اعظم کو انڈسٹریل زونز کی تعمیر، برآمدی ہدف کے حصول، چھوٹے اور درمیانے درجے کی صنعتوں کی ترقی کیلئے اقدامات اور آٹو پالیسی پر عملدرآمد پر پیش رفت سے آگاہ کیا گیا.

مزید وزیرِ اعظم کو بتایا گیا کہ بڑے پیمانے کی صنعت کی پیداوار رواں مالی سال کیلئے طے شدہ ہدف سے تجاوز کرنے کی امید ہے جو کہ ملکی اقتصادی صورتحال کیلئے خوش آئند ہے.

وزیرِ اعظم عمران خان سے پنجاب کے نئے تعینات ہونے والے چیف سیکرٹری کامران علی افضل اور آئی جی راؤ سردار علی خان نے بھی ملاقات کی وزیرِ اعلی پنجاب سردار عثمان بزدار اور آئی جی راؤ سردار علی خان کی وڈیو لنک کے ذریعے شرکت.

ملاقات میں صوبہ پنجاب کے انتظامی امور اور امن و امان کی صورتحال پر گفتگو کی گئی-

وزیرِ اعظم نے چیف سیکرٹری کو اشیاءِ ضرویہ کی قیمتوں کو کنٹرول کرنے کیلئے موثر انتظامی اقدامات کو یقینی بنانے کی ہدایت کی وزیرِ اعظم نے آئی جی پنجاب کو امن و امان ، قبضہ مافیا اور کرپٹ عناصر کے خلاف سخت قانونی چارہ جوئی کرنے کی ہدایات جاری کیں-