ایک ایک پیسے کا حساب لیا جائے گا،کابینہ اجلاس میں وزیراعظم کا دبنگ اعلان

وزیر اعظم عمران خان کی زیر صدارت وفاقی کابینہ کا اجلاس ختم ہو گیا ہے

باغی ٹی وی کی رپورٹ کے مطابق وفاقی کابینہ کے اجلاس میں نوازشریف اورآصف زرداری کےدور میں اخراجات پرتفصیلی بریفنگ دی گئی، وزیراعظم عمران خان کو بریفنگ دی گئی کہ نوازشریف کےدورمیں 1421.5 ملین غیرملکی دوروں پرخرچ ہوئے، سابق صدر آصف زرداری کےغیر ملکی دوروں پر183.5 ملین روپےخرچ ہوئے.

وزیراعظم کے خلاف حکومتی جماعت کے رہنما جاوید بدر نے سٹیزن پورٹل میں‌شکایت درج کروا دی

وزیراعظم عمران خان نے کہا کہ سابق حکمران قومی خزانےسے پرتعیش دورے کرتے رہے،ملک اورقوم کو ان غیرملکی دوروں سے کیا حاصل ہوا ؟سابق ادوار میں خرچ ہوئے ایک ایک پیسے کا حساب لیا جائے گا،

وفاقی کابینہ کےاجلاس میں ایف آئی اے ری اسٹرکچرنگ پر تفصیلی بریفنگ کے علاوہ سول سروسز اصلاحات کمیٹی کی تجاویز پر بھی رپورٹ پیش کی گئی

وزیراعظم عمران خان نے کہا ہے کہ ن لیگ کی جانب سے اداروں پر حملوں کا منہ توڑ جواب دیا جائے گا ,اداروں کو متنازع بنانے کی کوشش کی جا رہی ہے، ن لیگ کی جانب سے اداروں پر حملوں کا منہ توڑ جواب دیا جائے، ن لیگ ماضی میں بھی عدلیہ پر دباو ڈالتی ہے، یہ نیا پاکستان ہے، اب ایسا نہیں چلے گا، اپوزیشن کا کوئی حربہ کارگر ثابت نہیں ہو گا .