fbpx

وزیراعظم نے وفد کے ہمراہ عمرہ کی سعادت حاصل کر لی

وزیراعظم نے وفد کے ہمراہ عمرہ کی سعادت حاصل کر لی
باغی ٹی وی کی رپورٹ کے مطابق وزیر اعظم شہباز شریف نے وفد کے ہمراہ عمرہ کی سعادت حاصل کرلی ہے

وزیر اعظم شہباز شریف کیلئے طواف کے دوران خصوصی طور پر خانہ کعبہ کا دروازہ کھولا گیا جہاں انہوں نے نوافل ادا کیے شہباز شریف نے پروٹوکول کی نگرانی میں نوافل ادا کیے ،شہباز شریف کے ہمراہ جانے والے وفد نے بھی عمرہ ادا کر لیا،

قبل ازیں وزیراعظم شہباز شریف اور سعودی ولی عہد شہزادہ محمد بن سلمان کے درمیان ملاقات ہوئی ہے وزیراعظم شہباز شریف کا پرتپاک استقبال کیا گیا اور گارڈ آف آنر بھی پیش کیا گیا اس موقع پر ولی عہد محمد بن سلمان نے وزیر اعظم شہباز شریف سے اپنے وفد کے ارکان کا تعارف کرایا وزیر اعظم شہباز شریف نے بھی ولی عہد سے اپنے وفد کے ارکان کا تعارف کرایا وزیرخارجہ بلاول بھٹو زرداری، وزیردفاع خواجہ آصف ،وزیرخزانہ مفتاح اسماعیل، وزیراطلاعات مریم اورنگزیب ملاقات میں موجود تھے-

وزیر اعظم شہباز شریف آج دورے کے دوسرے روز مدینہ منورہ سے جدہ پہنچ گئے ہیں۔گورنر مکہ خالد بن فیصل آل سعود اور سعودی عرب کے قومی سلامتی کے مشیر ڈاکٹر مسعدبن محمد العیبان نے ہوائی اڈے پر وزیر اعظم کا استقبال کیا۔

سعودی خبر رساں ادارے عرب نیوز کو دیئے گئے ایک انٹرویو میں وزیراعظم شہباز شریف کا کہنا تھا کہ پاکستان سعودی عرب کے ساتھ اپنے تاریخی تعلقات کو گہری اور سٹریٹجک شراکت داری میں تبدیل کرنے کا خواہاں ہے دونوں ممالک اقتصادی، تجارتی اور سرمایہ کاری روابط کے فروغ کے لئے نئے اورغیر روایتی شعبوں پر کام کر رہے ہیں پاکستان کے روس اور یوکرین کے ساتھ اچھے تعلقات ہیں کثیر طرفہ معاہدوں ، بین الاقوامی قانون اور اقوام متحدہ کے چارٹر کے تحت تنازعہ کا سفارتی حل ناگزیر ہےان کے سعودی عرب کے پہلے غیر ملکی دورے سے اس بات کی عکاسی ہوتی ہے کہ پاکستان سعودی عرب کے ساتھ اپنے خصوصی تعلقات کو بہت اہمیت دیتا ہے