وزیرا عظم سے ماہرین ذراعت کی میٹنگ ، حکومتی اقدام کو سراہتے ہوئے دیے اہم مشورے

وزیرا عظم سے ماہرین ذراعت کی میٹنگ ، حکومتی اقدام کو سراہتے ہوئے دیے اہم مشورے

باغی ٹی وی : وزیر اعظم عمران خان نے کہا کہ زراعت پاکستان کی معیشت کا زندگی بخش حصہ ہے کیونکہ اس نے جی ڈی پی میں تقریبا 18.5 فیصد حصہ ڈالا ہے ، 64 فیصد دیہی باشندوں کو روزگار فراہم کیا ہے اور کل قومی مزدور قوت کا 38.5 فیصد ملازم ہے۔ اس شعبے کا معیشت کے دوسرے شعبوں سے براہ راست اور بالواسطہ روابط ہیں اور ملک کی سماجی و اقتصادی ترقی میں نمایاں کردار ادا کرتا ہے۔

وزیر اعظم ہاؤس میں معروف صنعت کار زرعی ماہراور پنجاب کے سابق نگراں وزیر صنعت خواجہ جلال الدین رومی سے گفتگو کرتے ہوئے وزیر اعظم نے کہا ، "ہم نے ترقیاتی فنڈز کے بہاؤ کو جنوبی پنجاب کی طرف موڑ دیا ہے ، جو گذشتہ سات دہائیوں کے دوران نظرانداز کیا گیا تھا۔ اس موقع پر خواجہ جلال الدین رومی نے کہا کہ پاکستان کورونا وائرس کی وجہ سے ہونے والے معاشی دھچکے سے محفوظ نہیں تھا ، اور اس کی برآمدات کو سخت نقصان پہنچا ہے لیکن موجودہ حکومت کی جانب سے پاکستان کی برآمدات کی بازیابی کو تیز کرنے کے چار اقدامات نےاہم کام کیا ہے . یعنی پالیسی شرح میں کافی حد تک کمی ، بجلی اور گیس میں سبسڈی ، بجلی کی لوڈشیڈنگ کا خاتمہ اور صنعت کے احیا کے لئے نرم قرضوں کے اجراء غیر ملکی ترسیلات زر میں اضافے سے زرمبادلہ کے ذخائر کو تقویت ملی ہے

جو 13 بلین ڈالر سے تجاوز کرچکا ہے۔رومی نے کہا کہ ہماری خواہش ہے کہ بزنس کمیونٹی وزیر اعظم ہاؤسنگ پروگرام میں پورے دل سے حصہ لیا تاکہ پاکستاں پر منفی اثرات کو روکا جا سکے .

وزیر اعظم نے خواجہ جلال الدین رومی کی معاشرتی خدمات کو سراہا جس نے معاشرے میں انقلاب برپا کیا اور بتایا کہ انہوں نے ورلڈ کپ جیتنے کے بعد صحت اور تعلیم کے مقصد کے لئے اپنی توانائیاں صرف کی ہیں۔ "میں نے کینسر کے لئے ایک تعلیمی ادارہ اور ایک ہسپتال قائم کیا۔ انہوں نے کہا کہ مجھے معلوم تھا کہ ہم تعلیمی فروغ کے ذریعے جہالت ، ناخواندگی اور غربت کو ختم کرسکتے ہیں۔