fbpx

وزیر اعظم شہباز شریف کی پاکستان سمیت دنیا بھرکی مسیحی برادری کو کرسمس کی مبارکباد

وزیراعظم شہباز شریف کا کہنا ہے کہ تعلیم،صحت اور دفاع پاکستان سمیت مختلف شعبوں میں مسیحی برادری کی خدمات ناقابل فراموش ہیں۔

باغی ٹی وی : وزیر اعظم شہباز شریف نے پاکستان سمیت دنیا بھرکی مسیحی برادری کو کرسمس کی مبارکباد دی اور کہا کہ حضرت عیسیٰ علیہ السلام اور حضرت مریم مسیحیوں اور مسلمانوں دونوں کے لیے محترم ہیں، یہ جلیل القدر ہستیاں انسانیت کے لیے راہ ہدایت ہیں۔

یوم قائد پر صدر پاکستان اور وزیراعظم کا قائداعظم کو خراج عقیدت

وزیر اعظم کا کہنا تھا کہ ان پاک ہستیوں کے کردارکی پاکیزگی اور عظمت کی گواہی اللہ تعالی نےقرآن میں دی، مسیحی برادری نے قیام پاکستان اور تعمیر پاکستان میں بھرپور کردار ادا کیا قیام پاکستان کےموقع پر مسیحی برادری کے قائدین نے پاکستان کےحق میں ووٹ دیا۔

انہوں نے کہا کہ مسیحیوں کےقائم کردہ اسکول اور اسپتال آج بھی معاشرےکی خدمت کر رہے ہیں، تعلیم،صحت اور دفاع پاکستان سمیت مختلف شعبوں میں مسیحی برادری کی خدمات ناقابل فراموش ہیں۔

شازیہ مری کا کرسمس کے تہوار پر مسیحی برادری اور یوم قائد پر قوم کو مبارکباد

وزیر اعظم شہباز شریف نے کہا کہ آئین پاکستان میں مسیحیوں سمیت تمام اقلیتوں کے حقوق کی ضمانت دی گئی ہے، تمام اقلیتوں کے جان ومال کی حفاظت ہماری مذہبی اور آئینی ذمہ داری ہے، اقلیتی خواتین اور بچوں سمیت تمام طبقات کی ترقی و خوشحالی اولین ترجیح ہے۔