fbpx

وزیر اعظم شہباز شریف نیو یارک پہنچ گئے

اقوام متحدہ کی جنرل اسمبلی کے 77 ویں اجلاس میں شرکت کرنے کیلئے وزیر اعظم شہباز شریف نیو یارک پہنچ گئے۔

باغی ٹی وی : وزارت خارجہ کا کہنا ہے کہ جنرل اسمبلی کے اجلاس میں وزیراعظم کا خطاب 23 ستمبر کو ہوگا، وزیراعظم موسمیاتی تبدیلی سے درپیش مسائل کے حل کیلئے تجاویز دیں گے، مقبوضہ کشمیر کی صورتحال سمیت علاقائی اور عالمی مسائل پر پاکستان کا نقطہ نظر پیش کریں گے-

عمران خان ہر رات کو کنسرٹ کرکے موسیقی کی محفلیں سجا رہے ہیں،فیصل کریم کنڈی

دفتر خارجہ کے مطابق اجلاس میں وزیراعظم مختلف ممالک کے ہم منصب اور یواین کے صدر اور سیکریٹری جنرل سے بھی ملاقاتیں کریں گے وزیراعظم دورہ کے دوران بین الاقوامی میڈیا سے بھی بات کریں گے، وزیر خارجہ بلاول بھٹو بھی مختلف ملکوں کے وزرائے خارجہ سے ملاقاتیں کریں گے۔

وفاقی وزیر اطلاعات مریم اورنگزیب کا کہنا ہے کہ وزیر اعظم شہباز شریف کی ہدایت پر نیویارک میں اقوام متحدہ کے سیکرٹریٹ لابی میں تصویری نمائش کا انعقاد کیا جائے گا،نمائش میں موسمیاتی تبدیلیوں کے باعث پاکستان میں حالیہ سیلاب سے ہونے والی تباہی کو دکھایا گیا ہے،یہ نمائش اس ہفتے اقوام متحدہ کی جنرل اسمبلی کے اجلاس کے دوران جاری رہے گی-

حسد کی آگ میں جلتے رہنا اب عمران خان کا مقدر ہے،مریم نواز

وزیراعظم شہبازشریف آج اقوام متحدہ کے سیکریٹری جنرل کے استقبالیہ میں شرکت کریں گے،وزیراعظم شہباز شریف آج فرانس کے صدر سے ملاقات کریں گے،وزیراعظم شہباز شریف کی یواین سیکریٹری جنرل انتونیوگوتریس سے ملاقات ہو گی-

وزیر اعظم شہبازشریف کی چینی ہم منصب سے ملاقات ہوگی،22ستمبر کو وزیراعظم شہباز شریف کی مائیکروسافٹ کے بانی بل گیٹس سے ملاقات ہوگی،23ستمبر کو وزیراعظم شہباز شریف اقوام متحدہ کی جنرل اسمبلی سے خطاب کریں گے وزیراعظم شہباز شریف گلوبل فوڈ سیکیورٹی سمٹ میں بھی شرکت کریں گے-

وزیراعظم شہباز شریف آسٹریا کے چانسلراوراسپین کے صدر سے بھی ملاقاتیں کریں گے،وزیراعظم شہباز شریف کی یورپی یونین کونسل کے صدر چارلس مائیکل سے ملاقات ہو گی-

واضح رہے کہ وزیراعظم شہباز شریف گزشتہ رات ملکہ برطانیہ کی آخری رسومات میں شرکت کیلئے لندن پہنچے تھے۔ وزیراعظم نے ویسٹ منسٹر ایبے میں ملکہ برطانیہ کی آخری رسومات میں پاکستان کی نمائندگی کی، وزیر اعظم شہباز شریف کی میئرلندن صادق خان اورعمان کے وزیرخارجہ سے بھی ملاقاتیں ہوئیں جبکہ سابق برطانوی وزرائے اعظم ڈیوڈ کیمرون اور بورس جانسن سےملاقاتیں ہوئیں جس کے بعد وہ امریکا روانہ ہوئے۔

ان حالات میں کون اپنا ملک چھوڑ کر بیرون ملک جاتا ہے، عمران خان