کراچی :وزیراعظم کا دورہ کراچی:فیصل ائیربیس پرافطاری،اطلاعات کے مطابق وزیراعظم شہباز شریف نےکراچی میں فیصل ائیر بیس پر افطاری کی، اس موقع پر وزیراعلیٰ سندھ اور صوبائی وزراء بھی موجود تھے۔
شہباز شریف دورہ کراچی مکمل کرکے 6:30 بجے فیصل بیس پہنچے تاہم وقت افطار کی وجہ سے فوری روانہ نہ ہوئے جس کے بعد وزیر اعظم نے وزیر اعلیٰ سندھ مراد علی شاہ اور صوبائی وزراء کے ہمراہ افطار کی۔
بعد ازاں ایک روزہ مصروف ترین دورہ کراچی کے بعد وزیراعظم شہباز شریف اسلام آباد روانہ ہوگئے، فیصل ائیر بیس پر وزیراعلیٰ سندھ سید مراد علی شاہ نے شہباز شریف کو رخصت کیا، وزیر اعلیٰ سندھ کے ہمراہ صوبائی وزراء ناصر شاہ، سعید غنی، مکیش چاؤلا اور دیگر بھی ائیربیس پر موجود تھے۔
دورہ کراچی میں وزیراعظم شہباز شریف نے وزیراعلیٰ مراد علی شاہ کے ساتھ مزار قائد اعظم پر حاضری دی جس کے بعد وزیراعلیٰ ہاؤس میں اہم اجلاس کیا اور مراد علی شاہ سمیت کئی اہم شخصیات سے ملاقاتیں کیں۔
وزیراعظم نے حکومت کی اہم اتحادی جماعت ایم کیو ایم پاکستان کے مرکز بہادرآباد کا دورہ بھی کیا۔
Leave a reply
