اسلام آباد میں ینگ ڈاکٹروں پر ریاستی تشددناقابل قبول،حکومت مذاکرات کے ذریعے مسئلے کا حل نکالے- پی ایم اے گوجرانوالہ

اسلام آباد میں ینگ ڈاکٹروں پر ریاستی تشددناقابل قبول،حکومت مذاکرات کے ذریعے مسئلے کا حل نکالے-
پی ایم اے گوجرانوالہ

گوجرانوالہ: صدر پاکستان میڈیکل ایسوسی ایشن گوجرانوالہ ڈاکٹر عثمان ظفر ڈار کا کہنا ہے کہ اسلام آباد میں این ایل ای کے خلاف احتجاج کرنے والے ڈاکٹروں پر ریاستی ظلم و جبر ناقابل قبول ہے۔اس طرح کے ہتکھنڈے ڈاکٹر کمیونٹی کو مزید مضبو ط کرنے کا باعث بن رہے ہیں۔ینگ ڈاکٹروں پر تشدد سے حکومت وقت ہمیں ملک گیر احتجاج اورہڑتال پر اُکسا رہی ہے۔حکومت کو چاہیے کہ مذاکرات اور افہام و تفہیم کے ساتھ مسئلے کا حل نکالے۔
میڈیا سے گفتگو کرتے ہوئے جنرل سیکرٹری پی ایم اے ڈاکٹر محمد عارف جمال کا کہنا تھاکہ ڈاکٹرز اور میڈیکل کے طلباء اس ملک کا مستقبل ہیں لیکن پاکستان میڈیکل کمیشن کی حالیہ پالیسیز سے ینگ جنریشن سخت نالاں ہے اور بڑی تیزی سے ہمارا برین ڈرین ہو رہا ہے جس کا نقصان حکومت کو اُٹھانا پڑے گا۔