حکومت ، عوام اورادارے سب کرونا کے خلاف متحد، ن لیگ اس کے برعکس ، سیاست سیاست کھیلنے پربضد

لاہور:حکومت ، عوام اورادارے سب کرونا کے خلاف متحد، ن لیگ اس کے برعکس ، سیاست سیاست کھیلنے پربضد،اطلاعات کے مطابق مسلم لیگ (ن) نے کورونا وائرس سے نمٹنے کیلئے حکومتی پالیسی کو سخت تنقید کا نشانہ بناتے ہوئے حکومت، عوام اوراداروں کی کرونا کے خلاف جدوجہد کے برعکس سیاست سیاست کھیلنے پراپنی توجہ مرکوزکررکھی ہے

ذرائع کےمطابق اس حوالے سے ن لیگ کے قائدین سابق وزیراعظم میاں نواز شریف اورپاکستان میں حزب مخالف کے رہنما میاں شہبازشریف کی نصیحت کے مطابق کرونا کو ایشوبناکرحکومت کے خلاف مسلسل بیان بازی جاری رکھے ہوئے ہیں‌،

کرونا کے معاملے پرملک بھرمیں حکومت کی کمزوریوں کی تلاش میں کوشاں لیگی رہنماؤں کے ہمراہ پریس کانفرنس کرتے ہوئے شاہد خاقان عباسی کا کہنا تھا کہ اس قومی امتحان میں اتحاد بہت ضروری ہے۔ کرونا وائرس کی صورتحال پر حکومت کی کوئی حکمت عملی سامنے نہیں آئی۔ وائرس کا مقابلہ اس کے پھیلاؤ کو روک کر ہی کیا جا سکتا ہے لیکن پورا پاکستان لاک ڈاؤن نہیں ہے۔ شہباز شریف قومی سطع پر ایکشن پلان دینگے۔

اس موقع پر بات کرتے ہوئے لیگی رہنما مصدق ملک کا کہنا تھا کہ شہباز شریف کی ہدایت پر مسلم لیگ (ن) نے اقدامات شروع کر دیے ہیں۔ ہم نے اقدامات نہ کیے تو مریضوں کی تعداد لاکھوں میں چلی جائے گی۔

یاد رہے کہ چند دن قبل عالمی ‌ذرائع ابلاغ نے پاکستان میں کرونا وائرس کی پاکستان میں تباہ کاریوں اورپھیلاوکے موقع پرحزب مخالف رہنما سمیت دیگرسیاسی جماعتوں اوران کے طرف دار میڈیا گروپ کے رویے پراظہارافسوس کرتے ہوئے کہا تھا کہ بڑے افسوس کی بات ہے کہ جب دنیا کرونا کے خلاف متحد ہوکرلڑرہی ہے ، یہودی ، مسلمان ، ہندو،سکھ عیسائی سب ایک ہوگئے ہیں مگرپاکستان میں سیاستی جماعتیں اورکچھ میڈیا گروپ ابھی بھی سیاست سیاست کھیل رہے ہیں