مسلم لیگ ن کے انٹرا پارٹی الیکشن میں بے ضابطگیوں پر فل بینچ تشکیل

الیکشن کمیشن آف پاکستان نے مسلم لیگ ن کے انٹرا پارٹی الیکشن میں بے ضابطگیوں پر فل بینچ تشکیل دے دیا ہے.

باغی ٹی وی کی رپورٹ کے مطابق الیکشن کمیشن نے مسلم لیگ ن کے پارٹی الیکشن میں بے ضابطگیوں‌ پر فل بینچ بنا دیا ہے. الیکشن کمیشن میں درخواست گزار شجاع الرحمان پیش ہوئے ،مسلم لیگ ن کے وکیل جہانگیر جدون بھی الیکشن کمیشن میں پیش ہوئے .الیکشن کمیشن آف پاکستان کے ممبر پنجاب الطاف ابراہیم قریشی پر مشتمل 2 رکنی کمیشن نے سماعت کی ، مسلم لیگ ن کے وکیل نے استدعا کی کہ کیس کی تاریخ رمضان کے بعد مقرر کی جس پر الیکشن کمیشن کے ممبر پنجاب الطاف ابراہیم قریشی نے کہا کہ کیس کی سماعت سے متعلق تاریخ کا تعین بعد میں کیا جائے گا، الیکشن کمیشن آف پاکستان نے مسلم لیگ ن کے انٹرا پارٹی الیکشن میں بے ضابطگیوں پر فل بینچ تشکیل دے دیا ہے.