مسلم لیگ ن کی اہم شخصیت کی گرفتاری کے بعد رہائی

مسلم لیگ ن کی اہم شخصیت کی گرفتاری کے بعد رہائی
باغی ٹی وی کی رپورٹ کے مطابق مسلم لیگ ن کے رہنما عطا تارڑ ڈسکہ سے گرفتار کر لئے گئے، مسلم لیگ ن کی ترجمان مریم اورنگزیب نے اس بات کی تصدیق کی ہے کہ عطاء اللہ تارڑ کو پولیس نے گرفتار کیا ہے عطا تارڑ کی گرفتاری کی وجہ معلوم نہ ہوسکی

اطلاعات کے مطابق عطاتارڑوزیرآباد میں مریم نواز کی ریلی کے روٹ کا جائزہ لینے پہنچے تھے

عطا تارڑ کی گرفتاری کے بعد ن لیگی کارکنان کی بہت بڑی تعداد تھانہ سٹی وزیرآباد کے باہر پہنچ گئی، عطا تارڑ اور دیگر کارکنان کی رہائی کے لیے نعرے بازی کی گئی،

مسلم لیگ ن کی مرکزی ترجمان مریم اورنگزیب نے الزام عائد کیا ہے کہ عطا اللہ تارڑ کو گرفتار نہیں بلکہ اغوا کیا گیا ہے کیونکہ نہ تو ان کے خلاف کوئی کیس ہے اور نہ ہی پولیس کے پاس کوئی وارنٹ تھے۔انہوں نے کہا کہ عطا تارڑ کی گرفتاری اس بات کا ثبوت ہے کہ لوگوں نے انہیں مسترد کردیا ہے اور پی ٹی آئی دونوں نشستوں پر الیکشن ہار چکی ہے۔

بعد ازاں پولیس نے عطاء اللہ تارڑ کو رہا کر دیا

جواب چھوڑیں

آپ کا ای میل ایڈریس شائع نہیں کیا جائے گا.