پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری ہیں،گنڈا سنگھ قصور،علی پور اور جلال پور پیر والا میں ساڑھے 11 ہزار متاثرین میں خشک راشن و گھریلو سامان تقسیم کیا گیا، قصور میں مرکزی سیکرٹری جنرل سیف اللہ قصوری،چیئرمین خدمت خلق شفیق الرحمان و دیگر رہنما بھی راشن تقسیم کی تقریب میں شریک ہوئے،علی پور میں 6 ہزار خاندانوں میں خشک راشن،امدادی پیکج تقسیم کیا گیا جلال پور پیر والا میں مرکزی مسلم لیگ فیصل آباد کے سیکرٹری جنرل احسن تارڑ نے خشک راشن تقسیم کیا،
مرکزی مسلم لیگ کی جانب سے ستلج گنڈا سنگھ کے مقام پر سیلاب متاثرین کیلئے گرینڈ ریلیف پروگرام کے تحت پانچ ہزار خاندانوں میں راشن بیگ، برتن، مچھر دانیاں تقسیم کی گئیں، مرکزی مسلم لیگ کے سیکرٹری جنرل سیف اللہ قصور، چیئرمین شعبہ خدمت خلق چوہدری شفیق الرحمان وڑائچ،مرکزی مسلم لیگ کے نائب صدر حافظ عبدالرؤف،صدر مرکزی مسلم لیگ پنجاب محمد سرور چوہدری،چوہدری حمیدالحسن گجر، رانا محمد اشفاق ودیگر بھی امدادی پیکج کی تقسیم کی تقریب میں شریک ہوئے،تقریب میں قصور بھر سے سیاسی، سماجی و تاجر رہنماؤں نے بھی شرکت کی، علی پور کی خیمہ بستی میں مرکزی مسلم لیگ لاہور کی جانب سے 5 ہزار خاندانوں میں راشن تقسیم کیا گیا، میونسپل کمیٹی گراؤنڈ میں 1 ہزار متاثرہ خاندانوں میں بھی امدادی پیکج تقسیم کیا گیا، اس موقع پر خدمت خلق کے چیئرمین شفیق الرحمان وڑائچ،صدر وسطی پنجاب حمید الحسن گجر،مرکزی مسلم لیگ لاہور کے سیکرٹری جنرل مزمل اقبال ہاشمی موجود تھے،چیئرمین خدمت خلق شفیق الرحمان وڑائچ نے تقریب سے خطاب میں کہا کہ ریسکیو اور ریلیف کے بعد اب سب سے بڑا مرحلہ بحالی ہے، جس کیلئے مرکزی مسلم لیگ نے باقاعدہ منصوبہ بندی کر لی ہے۔ اب تک 1 لاکھ 27 ہزار افراد کو ریسکیو، 25 لاکھ کو کھانا، 22 لاکھ کو طبی سہولتیں فراہم کی گئی ہیں جبکہ 25 ہزار متاثرین کو خیمہ بستیوں میں رہائش دی گئی، اب متاثرین ایک مہینے کا راشن اور گفٹ پیک دے کر گھروں کو بھیجنے کا عمل شروع ہو چکا ہے ،ہمارے پاس 2 ہزار گھرانوں کا ڈیٹا موجود ہے، سروے کی بنیاد پر ان کے گھروں کی تعمیر و مرمت کرائی جائے گی، ساتھ ہی متاثرین کیلئے سہولتِ روزگار سکیم بھی شروع کی جارہی ہے۔شعبہ خدمتِ خلق مرکزی مسلم لیگ فیصل آباد کی جانب سے جلال پور پیر والا میں سیلاب متاثرین کے لیے قائم کی گئی دوسری خیمہ بستی میں مقیم متاثرہ خاندانوں میں ایک ماہ کا خشک راشن، مچھر دانیاں، بچوں کے لیے بسکٹس، برتن، سوٹ، بستر اور دیگر ضروری اشیاء تقسیم کی گئیں،امدادی سامان تقسیم کی تقریب کے مہمان خصوصی محمد احسن تارڑ سیکرٹری جنرل مرکزی مسلم لیگ فیصل آباد، ڈاکٹر ظفر اقبال چیمہ، رانا عمر فاروق اور عامر بٹ تھے۔
