ممتاز حیدر
پاکستان میں تیل کی قیمتیں کم کیوں نہیں جا رہیں،حکمران جواب دیں،حافظ خالد نیک
مرکزی مسلم لیگ کے رہنما حافظ خالد نیک نے پیٹرولیم لیوی سے متعلق صدارتی آرڈیننس پر شدید تحفظات کا اظہار کرتے ہوئے کہاہے کہ ففتھ شیڈول کا خاتمہ حکومت کو لامحدود اختیار دے رہا ہے کہ وہ جب چاہے، جتنی چاہے پیٹرول لیوی عائد کرے، جو کہ سراسر ظلم اور عوام دشمنی ہے،عالمی منڈی میں تیل کی قیمتیں کم ہوئی ہیں،پاکستان میں کم کیوں نہیں کی جا رہیں،حکمران جواب دیں
حافظ خالد نیک کا کہنا تھا کہ ففتھ شیڈول عوام کے معاشی تحفظ کی ایک دیوار تھی، جس کے تحت حکومت زیادہ سے زیادہ 70 روپے فی لیٹر تک کی لیوی لینے کی پابند تھی، مگر اب اس پابندی کو ختم کر کے حکومت کو مکمل آزادی دے دی گئی ہے کہ وہ عوام کی جیبوں پر جتنا چاہے ہاتھ صاف کرے،ایک ایسے وقت میں جب مہنگائی نے عوام کی کمر توڑ دی ہے، بے روزگاری عروج پر ہے اور عام آدمی کی زندگی اجیرن ہو چکی ہے، حکومت کا یہ قدم نہ صرف غیر دانشمندانہ بلکہ ظالمانہ بھی ہے۔ مرکزی مسلم لیگ اس صدارتی آرڈیننس کی بھرپور مخالفت کرتی ہے اور اسے واپس لینے کا مطالبہ کرتی ہے،
51 ہزار سے زائد قربانیاں ،اہل غزہ کی جدوجہد رائیگاں نہیں جائے گی،خالد مسعود سندھو
مرکزی مسلم لیگ کی 20 اپریل کو شہدا غزہ کانفرنس تاریخ ساز ہو گی،سیف اللہ قصوری
پاکستان مرکزی مسلم لیگ کے رہنماؤں نے کہا ہے کہ غزہ فلسطینیوں کا ہے، اسرائیلی حملوں میں 51 ہزار سے زائد فلسطینی شہید ہو چکے لیکن انکے جذبے ماند نہیں پڑے،اہل غزہ کی مدد کے لئے مسلم ممالک کو آگے آنا ہو گا، مرکزی مسلم لیگ کے غزہ لہو لہو مہم کے تحت یکجہتی فلسطین پروگرام جاری ہیں، 20 اپریل کو کراچی میں ہونے والی شہدا غزہ کانفرنس تاریخ ساز ہو گی
ان خیالات کا اظہار مرکزی مسلم لیگ کے صدر خالد مسعود سندھو، سیکرٹری جنرل سیف اللہ قصوری، نائب صدر حافظ طلحہ سعید، جوائنٹ سیکرٹری قاری محمد یعقوب شیخ نے کارکنان سے ملاقاتوں و مختلف تقریبات کے دوران گفتگو کرتے ہوئے کیا.خالد مسعود سندھو کا کہنا تھا کہ مرکزی مسلم لیگ کی جانب سے فلسطینیوں سے اظہارِ یکجہتی کے لیے "غزہ لہو لہو” کے عنوان سے ملک گیر مہم جاری ہے، جس کے تحت مختلف شہروں میں کانفرنسز، ریلیاں،احتجاجی مظاہرے کئے جا رہے ہیں، غزہ لہو لہو مہم کے تحت 20 اپریل کو کراچی میں شہدا غزہ کانفرنس ہو گی، یہ کانفرنس ایک تاریخ ساز اجتماع ہو گا، جس میں فلسطینی شہداء کو خراجِ تحسین پیش کیا جائے گا.
مرکزی مسلم لیگ کے سیکرٹری جنرل سیف اللہ قصوری کا کہنا تھا کہ فلسطین پوری امت مسلمہ کا مسئلہ ہے، مسلم حکمران اپنی خاموشیاں توڑیں اور اہل غزہ کی مدد،اسرائیلی بربریت رکوانے کے لیے کردار ادا کریں،مسلم دنیا کو چاہیے کہ وہ اپنی سیاسی اور معاشی قوت کو استعمال میں لاتے ہوئے اسرائیل کے خلاف بھرپور سفارتی محاذ کھولے اور فلسطینیوں کی عملی مدد کرے۔
حافظ طلحہ سعید ،قاری محمد یعقوب شیخ کا کہنا تھا کہ عالمی ادارے، خاص طور پر اقوام متحدہ، اپنی ذمہ داریاں پوری کرنے میں مکمل ناکام ہو چکے ہیں، پاکستانی عوام دل و جان سے فلسطینی بھائیوں کے ساتھ کھڑے ہیں۔ پاکستانی قوم نے فلسطین کا مقدمہ ہمیشہ بلند کیا ہے اور آئندہ بھی کرتی رہے گی،”غزہ لہو لہو” مہم صرف ایک مہم نہیں بلکہ ایک بیداری کی تحریک ہے جو مسلم حکمرانوں کو جھنجھوڑنے کے لیے ہے.
