تھانے میں پی آر او لگا رہے ہیں،ہر ڈی ایس پی حلف نامہ دیگا کہ…… شہباز گل

0
39

وزیراعلیٰ پنجاب کے ترجمان شہباز گل نے کہا ہے کہ پنجاب میں شادی کی تقریب میں فائرنگ کیلیے پولیس کو رشوت دی جاتی ہے ،ہر تھانے میں ایک پی آراو لگا رہے ہیں جو عوام سے رابطے میں ہوگا

باغی ٹی وی کی رپورٹ کے مطابق شہباز گل نے‌ صوبائی کابینہ کے اجلاس کے بعد میڈیا کو بریفنگ دیتے ہوئے کہا کہ بھارت نےمقبوضہ کشمیر کو ٹارچر سیل بنا دیا ،بدقسمتی سے دنیا مسئلہ کشمیر پر خاموش ہے،قوم بابائے قوم کی ممنون ہے کہ انہوں نے ہمیں پاکستان جیسا تحفہ دلایا ،آج پنجاب کابینہ کےاجلاس میں بابائے قوم کو مکمل خراج عقیدت پیش کیا ،

مریم اورنگزیب دکان چمکانے کے لیے کس چیز کا سہارا لے رہی ہیں؟ شہباز گل نے بتا دیا

شہباز گل کا مزید کہنا تھا کہ پولیس لوگوں کی خدمت کے لیے ہے، پولیس کومحرم میں اچھی ڈیوٹی کرنےپرشاباش دی گئی ،محرم الحرام کے دوران پولیس نے بہترین کارکردگی کامظاہرہ کیا،کچھ دنوں سے پولیس کی کارکردگی پرسوالات اٹھ رہے تھے،پولیس عوام پر تشدد اور ٹارچر سیل بنانے کے لئے نہیں ہے، وزیراعظم نے واضح پیغام دیا ہے پولیس عوام کی خدمت کیلیے ہے،

ترجمان وزیراعلیٰ پنجاب نے مزید کہا کہ اداروں کے کلچرکوتبدیل کرنےمیں وقت لگتا ہے،پنجاب میں شادی کی تقریب میں فائرنگ کیلیے پولیس کو رشوت دی جاتی ہے ،پولیس کاجو چہرہ ہے وہ ہی ہماری قوم کامجموعی چہرہ ہے،پولیس میں اصلاحات  بہت مشکل کام ہے،

مریم اورنگزیب جج اینڈ جیوری نہ بنیں,عدلیہ کو اپنا کام کرنے دیں، شہباز گل

شہباز گل نے مزید کہا کہ سبزہ زارسے ماڈل ٹاون تک پولیس سےغلط کام لینےوالے کس منہ سے ہمیں درس دے رہے ہیں ،ہرڈی ایس پی،ڈی پی اوحلف نامہ دے گا کہ انکےعلاقےمیں کوئی ٹارچرسیل نہیں،ہر تھانے میں ایک پی آراو لگا رہے ہیں جو عوام سے رابطے میں ہوگا ،پولیس تشدد کےواقعہ پر آزاد ، خود مختار بورڈ بنانے کی تجویز زیر غور ہے

ایک سوال کے جواب میں شہباز گل کا کہنا تھا کہ عثمان بزدارکووزیراعظم نے 5 سال کیلیےوزیراعلیٰ پنجاب بنایا ہے،اگر کسی کو عثمان بزدار کی شکل اچھی نہیں لگتی تو میں کچھ نہیں کر سکتا،اگروزیراعظم نےکہا کہ عثمان بزدار اب وزیراعلیٰ نہیں تو میں انکی وکالت نہیں کروں گا،

رانا ثناء اللہ نے سینئر صحافی و اینکر پرسن مبشر لقمان کوجیل سے لکھا خط، کیا کہا؟

شہباز شریف، حمزہ، مریم،رانا ثناءاللہ کے مقدمات کی سماعت کرنیوالے ججز کا ہوا تبادلہ

شہباز گل کا مزید کہنا تھا کہ پولیس عوام کی خدمت کیلئے ہے،تشدد کیلئے نہیں،پنجاب حکومت نےخود احکامات دے کرماڈل ٹاؤن سانحہ کرایا،کسی علاقےمیں ٹارچرسیل ملنے پرمقدمہ سپاہی کیخلاف درج کرلیا جاتا ہے،خیبرپختونخوا پولیس کانظام ٹھیک کرنےمیں ڈھائی سال لگے،

Leave a reply