شادی سے چند دن قبل باپ نے بیٹی کو پولیس کے سامنے گولی مار دی

باپ نے پسند کی شادی کی خواہش کا اظہار کرنے والی 20 سالہ بیٹی کو اس کی شادی سے 4 دن قبل گولی مار دی-

باغی ٹی وی: بھارتی میڈیا کے مطابق افسوسناک واقعہ بھارتی ریاست مدھیہ پردیش کے شہر گوالیئر میں پیش آیا جہاں مقتول بیٹی گھر والوں کی پسند کی بجائے اپنی پسند سے شادی کرنا چاہتی تھی لڑکی نے موت سے کچھ دیر قبل ایک ویڈیو ریکارڈ کر کے سوشل میڈیا پر پوسٹ کی تھی جس میں اس کا کہنا تھا کہ میری شادی زبردستی کرانے کی کوشش کی جا رہی ہے۔

لڑکی نے ویڈیو میں کہا تھا کہ میں وِکی نامی لڑکے سے شادی کرنا چاہتی ہوں، ابتدا میں میرے گھر والوں نے رضامندی کا اظہار کیا تھا لیکن بعد میں انہوں نے انکار کردیا ویڈیو میں لڑکی نے اپنی زندگی کے خطرات کا بھی اظہار کیا تھا اور گھر والوں پر روزانہ تشدد کرنے کا الزام عائد کیا تھا۔

لاس اینجلس جنگلات میں آگ لگنے کی وجوہات کی تحقیقات جاری

ویڈیو سامنے آنے کے بعد پولیس اور پنچائت کے لوگ معاملہ سلجھانے کے لیے لڑکی کے گھر پہنچے تھے جہاں باپ نے بیٹی کو ہی گولی ماردی،مرنے والی لڑکی کی شادی 18 جنوری کو طے تھی، واقعے کے بعد پولیس نے ملزم کو گرفتار کرلیا۔

نومئی کیس، یاسمین راشد،اعجاز چوہدری سمیت 31 ملزمان پر فرد جرم عائد