پولیس کے شہداء قوم کے ہیرو ہیں ہمیشہ ہمارے دلوں میں زندہ رہیں گے عثمان بزدار

0
22
پولیس-کے-شہداء-قوم-کے-ہیرو-ہیں-ہمیشہ-ہمارے-دلوں-میں-زندہ-رہیں-گے-عثمان-بزدار #Baaghi

وزیراعلیٰ پنجاب سردار عثمان بزدار کا کہنا ہے کہ وطن عزیز پر اپنی قیمتی جانیں نچھاور کرنے والے پولیس شہداء قوم کے ہیرو ہیں ان کی لازاوال قربانیوں کو فراموش نہیں کیا جا سکتا-

باغی ٹی وی : تفصیلات کے مطابق وزیراعلیٰ پنجاب سردار عثمان بزدار نے پولیس شہداء ڈے پر پیغام دیتے ہوئے کہا ہے کہ عوام کے تحفظ کے لئے اپنی جانیں دینے والے پولیس افسران کی لازوال قربانیوں کو فراموش نہیں کیا جاسکتا ہے-

وزیر اعلیٰ پنجاب نے کہا کہ پولیس کے شہداء نے عوام کے جان و مال کے تحفظ کیلئے اپنی زندگیوں کی قربانی دے کر تاریخ رقم کی ہے، پولیس کے شہداء ہمیشہ ہمارے دلوں میں زندہ رہیں گے۔

عثمان بزدار نے مزید کہا ہے کہ قوم آج ان عظیم ہیروز کی لازوال قربانیوں کو سلام پیش کرتی ہے، پولیس شہداء کے اہل خانہ کی دیکھ بھال ہماری ذمہ داری بھی ہے اور فرض بھی، پولیس شہداء کے اہل خانہ کے ساتھ مکمل یکجہتی کا اظہار کرتے ہیں اور پولیس شہداء کے لواحقین کو تنہا نہیں چھوڑیں گے۔

Leave a reply