ن لیگی اراکین اسمبلی کے گھروں، دفتروں پر پولیس کے چھاپے

ن لیگی اراکین اسمبلی کے گھروں، دفتروں پر پولیس کے چھاپے

ن لیگی رہنما سیف الملوک کھوکھر کے گھر پر پولیس نے چھاپہ مارا ہے

پولیس نے کھوکھر پیلس جوہرٹاون میں چھاپہ مارا، ن لیگی رہنماسیف الملوک کھوکھر گھر پر موجود نہیں تھے، سیف الملوک کھوکھر کا کہنا تھا کہ حکومت اوچھے ہتھکنڈوں پراترآئی ہے،

پولیس نے لیگی ایم پی اے مرزاجاوید کے دفتر رائیونڈ میں بھی چھاپہ مارا،ایم پی اے مرزاجاوید بھی دفتر میں موجود نہیں تھے

وارنٹ گرفتاری اور چھاپے؛حمزہ شہباز کا ردعمل آ گیا
مسلم لیگ ن کے رہنماؤں کے وارنٹ گرفتاری اور چھاپے؛ سابق وزیراعلی پنجاب حمزہ شہباز شریف نے اظہار مذمت کی ہے، حمزہ شہباز کا کہنا تھا کہ مسلم لیگ ن کے سینئر رہنماؤں اور اراکین اسمبلی کے وارنٹ گرفتاری جاری کرنا قابل مذمت ہے۔ سینئر رہنماؤں کے گھروں پر پولیس کے چھاپے آمرانہ سوچ کی عکاسی کرتی ہے۔ فسطائی حکومت اوچھے ہتھکنڈوں سے مسلم لیگ ن کے حوصلے نہیں توڑ سکتی۔رانا مشہود جیسے سینئر پارلیمنٹیرین کے گھر پولیس کا چھاپہ چادر اور چار دیواری کی پامالی ہے۔پنجاب حکومت پولیس کو ذاتی سیاسی انتقام کے لئے استعمال کر رہی ہے عمران نیازی کی ایما پر پنجاب حکومت مسلم لیگ ن کی صوبائی قیادت کو ہراساں کر رہی ہے۔ پونے چار سال ظلم اور زیادتی کا سامنا کرنے والے کارکنان اور رہنماؤں کی ہمت کی داد دیتا ہوں۔

وزیراعظم شہباز شریف کے مشیر، ن لیگی رہنما عطا تارڑ کا کہنا تھا کہ سیاسی انتقام کا ڈٹ کر مقابلہ کریں گے،پورے خاندان کا نام بھی ڈال دو، جھکنے والے نہیں ،ہمارے خلاف مقدمہ مضحکہ خیز ہے،وارنٹ گرفتاری میں میرے چھوٹے بھائی کا نام بھی شامل کیا گیا ہے،

لاہور پولیس نے مسلم لیگ ن کی رہنماؤں کو گرفتار کرنے کا فیصلہ کر لیا پولیس نے عدالت سے عطا تارڑ ، رانا مشہود، اویس لغاری ، سیف الملوک کھوکھر سمیت دیگر کی گرفتاری کی اجازت مانگ لی پولیس نے ن لیگ کے رہنماوں کے وارنٹ گرفتاری کے لیے عدالت میں درخواست دائر کر دی .پولیس نے عدالت میں دائر درخواست میں موقف اپنایا کہ ملزمان کے خلاف مقدمہ درج کیا گیا ہے ۔ملزمان دانستہ طور پر پیش نہیں ہو رہے ۔ ملزمان کو گرفتار کر کے تفتیش مکمل کرنی ہے مسلم لیگ ن کے 12 رہنماؤں کے وارنٹ گرفتاری جاری کر دیئے گئے ہیں

واضح رہے کہ پنجاب اسمبلی ہنگامہ آرائی کیس میں پولیس نے ن لیگی رہنماؤں کے خلاف مقدمے درج کر رکھے ہیں، عطا تارڑ کے گھر پولیس کی جانب سے چھاپہ مارا گیا تھا، رانا مشہود کے گھر بھی چھاپہ مارا گیا تھا مگر وہ اسلام آباد تھے، اب پولیس نے عدالت سے گرفتاری کی اجازت طلب کی ہے

سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

نعرے ریاست مدینہ کےاورغلامی امریکہ کی واہ شہبازگل باجوہ