fbpx

پولیس کی جانب سے شہریوں میں ماسک اور سینیٹائزرز تقسیم کئے گئے

حافظ آباد(سید ظہیر عباس شاہ ) پولیس تھانہ سٹی حافظ آباد کی جانب سے شہریوں میں ماسک اور ہینڈ سینیٹائزر تقسیم، ڈی پی او ڈاکٹر رضوان احمد خاں نے اس مو قع پر کہا کہ کورونا سے ممکنہ بچاوءکی خاطرشہری حکومت کی جانب سے جاری کردہ ایس او پیز پر عملدرآمد کو یقینی بنائیں تاکہ کرونا جیسی مہلک بیماری سے خود بھی بچ سکے اور دوسروں کو بھی بچایا جا سکے۔

تفصیلات کے مطابق ڈ ی پی او حافظ آباد ڈاکٹر رضوان احمد خاں کے احکامات کی روشنی میں حافظ آبادپولیس تھانہ سٹی کی جانب سے شہر بھر میں شہریوں میں ماسک اور ہینڈ سینیٹائزر تقسیم کئے گئے ۔ ڈی پی او حافظ آباد ڈاکٹر رضوان احمد خاں کا کہنا ہے کہ کرونا وائرس کے بڑھتے ہوئے کیسز کے پیش نظر شہری کرونا وائرس سے بچاﺅ کےلئے حکومت پنجاب کی جانب سے جاری کردہ احکامات پر عملدرآمد کو یقینی بنائیں تاکہ کرونا جیسی مہلک بیماری سے خود بھی بچ سکے اور دوسروں کو بھی بچایا جا سکے۔کورونا سے بچنے کے لیے شہریوں کو اپنی ذمہ داریوں کا احساس کرنا ہوگا،

دکاندار ماسک نہ پہننے والوں کو دکان کے اندرآنے کی اجازت نہ دیں۔ ضلع بھر کی مارکیٹوں ، بازاروں،درزی کی دکانوں،پٹرول پمپوں اور پبلک ٹرانسپورٹ میں کورونا وائرس کے پیش نظر حکومتی احکامات پر عملدرآمد کو یقینی بنایا جائے۔انہوں نے مزید ضلع بھر کی عوام سے اپیل کی کہ غیر ضروری سفر اور گھروں سے نکلنے سے پرہیز کریں، رش والی جگہ پر جانے سے گریز کریں ،اپنے ہاتھوں کو بار بار صابن سے دھوئیں اور ہینڈ سینیٹائزر کے استعمال کو یقینی بنائیں۔

جواب چھوڑیں

آپ کا ای میل ایڈریس شائع نہیں کیا جائے گا.