اسلام اباد کے رورل زون میں پولیس کی کارروائی، متعدد وارداتوں میں ملوث ملزم گرفتار

اسلام اباد کے رورل زون کے تھانہ کھنہ میں پولیس نے کارروائی کی جس کی رپورٹ منظر عام پر آگئی ہے-

اسلام آباد پولیس نے رورل زون کے تھانہ کھنہ میں بہترین پرفارمنس کا مظاہرہ کرتے ہوئے مختلف وارداتوں میں ملوث مجرم کو گرفتار کرلیا- اسلام آباد پولیس کی طرف سے پیش کردہ رپورٹ کے مطابق گن پوائنٹ پر پرس و نقدی چھینے والے گروہ کا مرکزی ملزم محمد دانش کو پولیس نے کارروائی کے دوران گرفتار کرلیا ہے- ملزم کے قبضہ سے وارداتوں میں استعمال ہونے والا اسلحہ و ایمونشن سمیت شہریوں سے چھینے ہوئے موبائل فونز و نقدی برآمد کرلیے گئے ہیں- ابتدائی تفتیش کے دوران ملزم نے رورل زون کے علاقوں میں متعدد وارداتوں کا انکشاف کرلیا ہے –

ملزم کے خلاف درج مقدمات میں مزید تفتیش شروع کردی گئی ہے-