fbpx

رمضان المبارک کی آمد پر لاہور پولیس آپریشنز ونگ کے شہر بھر میں سرچ اینڈ سویپ آپریشنز

رمضان المبارک کی آمد پر لاہور پولیس آپریشنز ونگ کے شہر بھر میں سرچ اینڈ سویپ آپریشنز جاری ہیں۔ ڈی آئی جی آپریشنز نے ڈویژنل ایس پیز کو روزانہ کی بنیاد پرسرچ اینڈ سویپ آپریشنز جاری رکھن کی ہدایت کردی ہے۔ ڈی آئی جی آپریشنز ساجد کیانی کا کہنا تھا کہ سماج دشمن عناصر کی روک تھام کیلئے مارچ کے دوران 517سر چ آپریشنز کئے گئے ہیں اور سرچ آپریشنز کے دوران 13050 گھروں کو چیک کیا گیا ہے اور 47 ہزار 810 افراد کی تلاشی اور کوائف چیک کئے گئے ہیں۔ دوران سرچ آپریشنز 4960 کرایہ داروں کی جانچ پرتال کی گئی ہے۔ تھانوں میں کرایہ داری کا اندراج نہ کروانے والے 34افراد کو حراست میں لیا گیا ہے جبکہ 19 ہوٹلز، 07گیسٹ ہاؤسز، 14ہاسٹلز، 12بس اڈوں اور ریلوے سٹیشن میں سرچ آپریشنز کئے گئے ہیں۔ 13 گوداموں، 458 دکانوں اور 26گرجا گھروں کی سکریننگ بھی کی گئی ہے۔ قانون شکنی کے مرتکب 51 افراد کے خلاف کارروائی عمل میں لائی گئی ہے۔ دوران چیکنگ ناجائز اسلحہ برآمد ہونے پر 03 افراد کے خلاف کارروائی عمل میں لائی گئی ہے۔ سرچ آپریشنز کے دوران منشیات برآمدگی پر بھی 03 مقدمات درج کئے گئے ہیں۔ کوائف نامکمل ہونے پر 08 افراد کے خلاف انسدادی کارروائی عمل میں لائی گئی ہے۔ مستقل امن کے قیام اور دہشت گرد اور سماج دشمن عناصر کی سرکوبی کیلئے سرچ آپریشنز انتہائی ضروری ہیں۔ڈی آئی جی آپریشنز نے ہدایت دی کہ پولیس افسران و جوان دورانِ سرچ آپریشنز کورونا ایس او پیز پر عملدرآمد یقینی بنائیں۔

جواب چھوڑیں

آپ کا ای میل ایڈریس شائع نہیں کیا جائے گا.