fbpx

کوئٹہ:پولیس وین کے قریب دھماکہ ،3 شہری زخمی

کوئٹہ: نواں کلی میں پولیس وین کے قریب دھماکے میں 3 افراد زخمی ہوگئے۔

کوئٹہ کے علاقے نواں کلی پہلے اسٹاپ میں پولیس وین کے قریب دھماکے کے نتیجے میں 3 افراد زخمی ہوگئے، واقعہ کے بعد امدادی اہلکاروں نے زخمیوں کو اسپتال منتقل کیا جب کہ قانون نافذ کرنے والے اداروں نے جگہ کو گھیرے میں لیکر شواہد اکٹھے کرنا شروع کردیئے ہیں۔

پولیس کے مطابق دھماکے کی جگہ کو سیل کرکے تحقیقات شروع کردی گئی ہیں جب کہ دھماکہ خیز مواد سے متعلق بھی تفتیش جاری ہے دوسری جانب ریسکیو ذرائع کا کہنا ہے کہ دھماکے میں زخمی عام شہری ہیں جنہیں طبی امداد فراہم کی جارہی ہے۔

دوسری جانب صو بہ خیبر پختونخوا کے قبائلی ضلع باجوڑ میں راغگان ڈیم کے نزدیک پولیس اہلکاروں کو ریمورٹ کنٹرول بم سے نشانہ بنایا گیا جس کے نتیجے میں 2 اہلکار شہید ہوگئے ا دھماکے کے بعد پولیس اور فورسز کی ٹیمیں جائے وقوعہ پر پہنچ گئیں اور پورے علاقے کو گھیرے میں لے کر سرچ آپریشن شروع کردیا گیا، جبکہ ایک اضافی چوکی بھی قائم کردی گئی۔

Facebook Notice for EU! You need to login to view and post FB Comments!