پولیو ٹیم پر حملہ، دو پولیس اہلکار جاں بحق

پولیو ٹیم پر حملہ، دو پولیس اہلکار جاں بحق

باغی ٹی وی کی رپورٹ کے مطابق خیبر پختونخواہ کے علاقہ لوئر دیر کے تھانہ لعل قلعہ کے حدود مرخنئی پل پر نامعلوم افراد کی فائرنگ سے پولیو ٹیم کی حفاظت پر مامور 2 پولیس اہلکار شہید ہوگئے۔

پولیس کے مطابق دونوں‌ اہلکار پولیو ٹیم کے ساتھ ڈیوٹی پر تھے اور پولیو ٹیم علاقے میں بچوں کو قطرے پلا رہی تھی کہ نامعلوم ملزمان نے فائرنگ کر دی جس سے دونوں اہلکار جاں بحق ہو گئے،

اطلاع پر سیکورٹی اداروں کی بھاری نفری موقع پر پہنچ گئی، پولیس کے مطابق جاں بحق اہلکاروں کی شناخت کانسٹیبل فرمان اور مکرم کے نام سے ہوئی،دونوں اہلکاروں کی لاشیں قریبی ہسپتال منتقل کر دیں گئیں۔ پولیس نے قاتلوں کی گرفتاری کے لئے علاقہ میں سرچ آپریشن شروع کر دیا

واضح رہے کہ ملک بھر میں پولیو مہم جاری ہے ،پولیو ٹیموں کی حفاظت کے لئے پولیس کی ٹیمیں تشکیل دی گئی ہیں،ماضی میں بھی پولیو ٹیموں پر حملے ہوتے رہے جس کی وجہ سے سخت انتظامات کئے گئے ہیں،

خیبر پختونخواہ میں پولیو کے بڑھتے ہوئے کیسز، حکومت نے بڑا فیصلہ کر لیا

بنوں میں پولیو کا ایک اور کیس، انسداد پولیو مہم جاری

سابق وفاقی وزیر صحت سائرہ افضل تارڑ نے ملک میں پولیو اور ڈینگی کے بڑھتے کیسز پر کمیشن بنانے کا مطالبہ کر دیا,ملک میں پولیواورڈینگی کی تشویشناک صورتحال ہے،اس نااہل حکومت کوپورا ایک سال دیا ،حکومتی سطح پرپولیومہم اورصحت و تعلیم کا بیڑہ غرق کردیا گیا،اس وقت 65پولیو کے کیسز ہیں ،پولیو مہم کا بیڑا غرق ہوچکا ہے وفاق اورصوبائی حکومتوں کا آپس میں کوئی رابطہ نہیں،

خیبر پختونخواہ میں انسداد پولیو مہم میں رکاوٹ پولیو سٹاف بن گیا

پولیو مہم کے خلاف پروپیگنڈہ، سات تعلیمی اداروں کے خلاف کاروائی

سوشل میڈیا پر پولیو مخالف مواد، کتنے اکاونٹس بند ہوئے، حیران کن خبر

سائرہ افضل تارڑ کا مزید کہنا تھا کہ ہم اپنےدورمیں پولیو پروگرام میں شفافیت لائے،ہمارے دورمیں بھی پولیووائرس تھا لیکن ہم نے اس کومحدود رکھا،حکومت پولیواورڈینگی پربھی کمیشن بنائے اورذمہ داروں کا تعین کرے