جام کمال نہ رہے توپھرشاید کوئی بھی نہ رہے،بلوچستان میں سیاسی عدم استحکام: سنجرانی ایک مرتبہ پھر متحرک

کوئٹہ:جام کمال نہ رہے توپھرشاید کوئی بھی نہ رہے،بلوچستان میں سیاسی عدم استحکام: سنجرانی ایک مرتبہ پھر متحرک،اطلاعات کے مطابق اس وقت بلوچستان میں سیاسی بحران شدت اختیار کر گیا، چیئر مین سینیٹ صادق سنجرانی ایک مرتبہ پھر متحرک ہو گئے۔

ذرائع کے مطابق چیئر مین سینیٹ صادق سنجرانی تین روزے دورے پر کل کوئٹہ پہنچیں گے، صادق سنجرانی وزیراعلی بلوچستان جام کمال سے ملاقات کرینگے، چیئر مین حکمران جماعت کے ناراض اسپیکر، صوبائی وزار اور ایم پی ایز سے ملاقات کرینگے۔صادق سنجرانی ناراض اراکین کے تحفظات دور کرنے کی کوشش کرینگے۔

I have not resigned from Chief Minister ship.

— Jam Kamal Khan (@jam_kamal) October 2, 2021

وزیراعلیٰ بلوچستان جام کمال خان نے سماجی رابطے کی ویب سائٹ ٹویٹر پر استعفے کے حوالے سے خبروں کی تردید کر دی۔ٹویٹر پر انہوں نے لکھا کہ میں نے بطوروزیراعلیٰ بلوچستان استعفی نہیں دیا۔

وزیر اعلی بلوچستان جام کمال خان کے استعفی کے متعلق خبر میں صداقت نہیں۔

ازرائے کرم بے بنیاد و گمراہ کن پروپیگنڈہ سے اجتناب کریں۔
شکریہ

— Liaquat Shahwani (@LiaquatShahwani) October 2, 2021

اس سے قبل ترجمان بلوچستان حکومت لیاقت شاہوانی کا بھی کہنا تھا کہ وزیر اعلی بلوچستان جام کمال خان کے استعفی کے متعلق خبر میں صداقت نہیں۔ بے بنیاد و گمراہ کن پروپیگنڈہ سے اجتناب کریں۔

خیال رہے کہ گزشتہ روز وزیراعلیٰ بلوچستان جام کمال خان نے بلوچستان عوامی پارٹی (باپ) کی صدارت سے استعفی دے دیا تھا۔ پارٹی رہنماؤں کو نئے صدر کی تلاش ہے۔