پونچھ میں‌ ایسا کیا ہوا کہ بھارتی فوج کا زیر زمین بارودی مواد پھٹ پڑا، زوردار دھماکوں‌ پر خوف و ہراس

مقبوضہ کشمیر کے پونچھ ضلع میں کنٹرول لائن پر بالاکوٹ اور منکوٹ علاقوں میں جنگل میں‌ آگ بھڑکنے سے بھارتی فوج کی طرف سے بچھائی گئی بارودی سرنگیں‌ پھٹنے سے زوردار دھماکے ہوئے ہیں.

باغی ٹی وی کی رپورٹ‌کے مطابق ہفتہ کے دن لائن آف کنٹرول کے قریب جنگل میں اچانک پراسرار طور پر آگ نمودار ہوئی جو تیزی سے پھیل گئی جبکہ اسی دوران علاقے میں‌ موجود زیر زمین بارودی مواد پھٹ پڑا جس کے نتیجے میں یہاں زور دار دھماکے سنے گئے۔ مقامی کشمیریوں‌ کا کہنا ہے کہ دھماکوں کی گونج دور دور کے علاقوں‌ تک سنائی دی.

رپورٹ کے مطابق کہا گیا ہے کہ یہ دھماکے بھارتی فوج کی طرف سے زیر زمین بچھائی گئی بارودی سرنگوں کے تھے جو یہاں‌ نصب کی گئی تھیں. بھارتی قابض انتظامیہ پونچھ کے جنگل میں‌ بھڑکنے والی آگ بجھانے کی کوششیں کر رہی ہے. بارودی سرنگیں‌ پھٹنے سے بھارتی فورسز میں‌ تشویش کی لہر دوڑ‌گئ ہے.

جواب چھوڑیں

آپ کا ای میل ایڈریس شائع نہیں کیا جائے گا.