چوک قریشی : غریب محنت کش بجلی کے ناجائز بلوں سے تنگ، میں خودکشی کرنے پر مجبور ہوچکا ہوں-اقبال حسین

چوک قریشی،باغی ٹی وی ( جمشید سہرانی کی رپورٹ )غریب محنت کش بجلی کے ناجائز بلوں سے تنگ، میں خودکشی کرنے پر مجبور ہوچکا ہوں-اقبال حسین
تفصیل کے مطابق غریب مزدور بجلی کے نجائز بلوں سے تنگ آکر خودکشی کرنے پر مجبور ۔چوک قریشی کے رہائشی اقبال حسین نے میڈیا سے گفتگو کرتے ہوئے کہا کہ میرا بجلی کا میٹر عرصہ چار ماہ سے بند اور خراب ھے جس کی میں نے واپڈا آفس جا کر درخواست دی عرصہ چار ماہ سے مجھے جھوٹے دلاسے دے کر دس دس ہزار روپے کے بل بھجوائے جا رہے ہیں جبکہ میں ایک غریب اور مزدور انسان ہوں اب میں مجبور ہو گیا ہوں میرے پاس گھر میں نہ راشن ہے اور نہ ہی جیب میں پیسے میں یہ ناجائز بجلی کے بل ادا نہیں کر سکتا باربار واپڈا آفس کے چکر لگا لگا کر میں تھک چکا ہوں ہر بار مجھے کہا جاتا ہے کہ یہ بل ادا کردیں آپ کا میٹر تبدیل ہو جائے گا اور پھر بل بھی جائز آئیں گے اقبال حسین کا مزید کہنا تھا اگر میری کسی نے نہ سنی تو میں بچوں سمیت خودکشی کر لوں گا برائے مہربانی ایکسین اور ایس ڈی او میرے اس نجائز بل کو معاف کیا جاۓ اور جلد ازجلد نیا میڑ فراہم کیا جاۓ ۔

Leave a reply