واشنگٹن: ٹیکنالوجی دیو مائیکروسافٹ کی 50 ویں سالگرہ کی تقریب میں کمپنی کے ملازمین نے فلسطین کے حق میں احتجاج کیا –
باغی ٹی وی : تقریب میں اس وقت احتجاج شروع ہوا جب مائیکروسافٹ اے آئی کے سی ای او مصطفیٰ سلیمان اسسٹنٹ "Copilot” سے متعلق نئی اپڈیٹس پر بات کر رہے تھے اچانک ایک خاتون ملازم ابتہال ابوسعید اسٹیج کے قریب آئیں اور بلند آواز میں کہا کہ "مصطفیٰ تمہیں شرم آنی چاہیے، تم اے آئی کو بہتری کے لیے کہتے ہو لیکن یہ نسل کشی میں استعمال ہو رہی ہے، مائیکرو سافٹ اسرائیل کو اے آئی ہتھیار دے رہا ہے، 50 ہزار لوگ قتل ہو چکے ہیں–
مصطفیٰ سلیمان نے خاتون کے احتجاج پر مختصر ردعمل دیتے ہوئے کہا کہ میں نے آپ کو سن لیا، شکریہ، تاہم، خاتون نے بات جاری رکھتے ہوئے کہا کہ مصطفیٰ نسل کشی کے لئے اے آئی کا استعمال بند کرو،ہمارے خطے میں نسل کشی کیلئے اے آئی کے استعمال کو بند کرو ، آپ کے ہاتھوں پر خون ہے، پورا مائیکروسافٹ خون میں رنگا ہے،تم لوگ جشن کیسے منا سکتے ہو،مائیکرو سافٹ بچوں کو مار رہا ہے؟تن سب پر افسوس ہے،شرم کرو ،شرم کرو-
رپورٹس کے مطابق، یہ احتجاج اس وقت ہوا جب تقریب میں بل گیٹس اور سابق سی ای او اسٹیو بالمر بھی موجود تھے، جس نے اس لمحے کو مزید اہم اور علامتی بنا دیا، یہ احتجاج سوشل میڈیا پر تیزی سے وائرل ہو گیا، جہاں صارفین نے ملازمین کے اس اقدام کو بہادری اور سچائی کی آواز قرار دیا۔
بعد ازاں میڈیا سے گفتگو میں ابتہال ابوسعید نے کہا کہ میرے لئے سب سے بڑا خوف یہ ہے کہ میں اپنی 9سے 5 کی نوکری سے اٹھوں اور مجھے علم ہو کہ یاخدا میرے ساتھیو ں کی وجہ سے ہمارے بچے مارے گئے یہی وہ فکر ہے جو میرے دل و دماغ پر غالب رہی اور اس وجہ سے میں نے بولنے کا فیصلہ کیا حالانکہ مجھے اندازہ تھا کہ اس کے نتائج ہو سکتے ہیں-
انہوں نے کہا کہ غزہ میں نسل کشی میں حصہ لینے کا خوف میرے لیے سب سے بڑا ہے،سچ کہوں تو میں مائیکرو سافٹ کی نسل کشی میں "سادگی” سے شمولیت پر زیادہ پریشان ہوں،یہی حد ہے کہ یہ جاننا کہ ہمارا کوڈ بمباری ، نگرانی اورف معصوموں کو نشانہ بنانے میں استعمال ہو رہاہے میرے لئے یہی سب سے بڑا خدشہ ہے،ذاتی نتائج سے کہیں بڑھ کر –
