fbpx

ہماری پہلی ترجیح سیلاب میں پھنسے لوگوں کو نکالنا ہے،وزیر خارجہ بلاول

پورا پاکستان بارشوں سے بری طرح متاثر،سکھر میں بلاول کی زیر صدارت ڈونر ایجنسیوں اور ڈپلومیٹس کا اجلاس

وزیر خارجہ بلاول بھٹو کی صدارت میں ڈونر ایجنسیوں اور ڈپلومیٹس کا اجلاس ہوا

اجلاس میں سفیروں اور ڈونر ایجنسیوں کے نمائندے شریک ہیں ،اجلاس میں وزیر اعلیٰ سندھ، وفاقی وزیر خورشید شاہ،ڈی جی ایف ایم او آفتاب چودھری، ڈی جی کرائسز مینجمنٹ یونٹ میاں عاطف، ممبر این ڈی ایم اے محمد ادریس شریک ہیں

وزیر خارجہ بلاول زرداری کا کہنا تھا کہ پورا پاکستان بارشوں سے بری طرح متاثر ہوا ہے ،جولائی میں 308 اوراگست میں 784 فیصد زیادہ بارشیں ہوئیں،گڈو اورسکھر بیراجز پر اونچے درجے کے سیلاب سے ڈرینج سسٹم کام نہیں کر رہا، سیلاب میں کچے اور پکے کےعلاقے ڈوبے ہیں،لوگ بے گھر ہوگئے ہیں،سندھ میں آباد کاروں کے 335441 ملین روپے کی فصلیں تباہ ہو گئے ہیں، سندھ میں بھر میں بارشوں کی باعث وسیع تر روڈ نیٹ ورک ختم ہو گیا

بلاول زرداری کا مزید کہنا تھا کہ اس وقت ہم ریسکیواورریلیف کے مرحلےمیں ہیں،ہم ان ساری صورتحال کا مقابلہ کریں گے، عالمی سطح پر بھی بہت اچھا رسپانس آرہا ہے،نقصانات کے تخمینے سے متعلق ابھی کچھ نہیں کہا جا سکتا،کئی گھروں اورروڈانفراسٹرکچر کونقصان پہنچا ہے،امدادکی اپیل پرعالمی برادری کا زبردست ردعمل آیا ہے،چاروں صوبوں میں متاثرہ عوام کی بحالی کیلئے اقدامات کر رہے ہیں،عالمی برادری کو بتایا ہے کہ سیلاب سے پاکستان کتنا متاثر ہوا ،سیلاب متاثرین کی بحالی کیلئے اقدا مات کر رہے ہیں،ہماری پہلی ترجیح سیلاب میں پھنسے لوگوں کو نکالنا ہے،

سندھ کے صوبائی وزیر اطلاعات شرجیل میمن کا کہنا تھا کہ کراچی کے 5 اضلاع میں قائم 38 ریلیف کیمپوں میں 11ہزار 784متاثرین کو ٹھہرایا گیا ہے کیمپوں میں متاثرین کو خوراک،پانی اور ادویات فراہم کی جارہی ہیں،ضلع شرقی میں قائم 13 کیمپوں میں 5 ہزار691 متاثرین کو رکھا گیا ہے،ضلع غربی کے 6 کیمپوں میں 2 ہزار 488 متاثرین کو ٹھہرایا گیا،ضلع کورنگی میں ایک کیمپ ہے جہاں 400 متاثرین کو رہائش فراہم کی گئی ،ضلع ملیر کے09 ریلیف کیمپوں میں 2589 متاثرین موجود ہیں،

دوسری جانب پییلز پارٹی پنجاب کے رہنما حسن مرتضیٰ کا کہنا ہے کہ پیپلز پارٹی کے امدادی کیمپ وسطی پنجاب میں آپریشنل ہو چکے ہیں۔وسطی پنجاب کی 100تحصیلوں میں 124سے زائد ریلیف کیمپ لگائے ہیں۔پنجاب ایگزیکٹو اور ذیلی ونگز کے صدور امدادی کیمپوں کو مانیٹر کر کے رپورٹ دینگے۔ متاثرین کیلیے خوراک،پانی،دودھ،کپڑے اور عطیات جمع کر رھے ہیں کارکن گھر گھر اور مارکیٹوں میں جا کر بھی عطیات اکھٹے کرینگے عطیات کا چیک اور امدادی اشیاء چیئرمین بلاول بھٹو زرداری کو پیش کرینگے۔میرے حلقہ کا ایک پورا گاؤں صفحہ ہستی سے مٹ گیا ہے پیپلز پارٹی متاثرین کی بحالی میں اپنی تمام توانائیاں صرف کریگی تکلیف کی گھڑی میں اپنے ملک اور متاثرہ بہن بھائیوں کو تنہا نہیں چھوڑینگے

وزیراعظم شہباز شریف نے چارسدہ میں سیلاب سے متاثرہ علاقوں کا دورہ کیا

متحدہ عرب امارات کے حکام کا آرمی چیف سے رابطہ،سیلاب زدگان کیلیے امداد بھجوانے کا اعلان

کمراٹ میں پھنسے سیاحوں کو پاک فوج کے ہیلی کاپٹر نے ریسکیو کر لیا ہے

سیلاب سے متاثرہ آخری آدمی کی بحالی تک چین سے نہیں بیٹھیں گے، آرمی چیف

پاک فوج نے فلڈ ریلیف ہیلپ لائن قائم کر دی،

آرمی چیف جنرل قمر جاوید باجوہ نے کانجو اور سوات کا دورہ کیا