عامر لیاقت کے پوسٹ مارٹم بارے لواحقین اور پولیس میں مذاکرات کامیاب
رکن قومی اسمبلی عامر لیاقت کا نماز جنازہ آج ادا کیا جائے گا
پولیس کا کہنا ہے کہ موت کی وجہ جاننے کے لئے پوسٹ مارٹم کروانا ضروری ہے، لواحقین کہتے ہیں کہ پوسٹ مارٹم نہیں کروانا چاہتے، عامر لیاقت کی میت چھیپا سردخانے میں رکھی گئی ہے انکے تدفین کے انتظامات بھی رمضان چھیپا کر رہے ہیں، عامر لیاقت کی میت کو چھیپا کی ایمبولنس پر ہی کلفٹن عبداللہ شاہ غازی کے مزار پر لے جایا جائے گا،
پولیس حکام کا کہنا ہے کہ پوسٹ مارٹم کے بغیر موت کی وجہ پتہ نہیں چل سکتی، پولیس نے عامر لیاقت کی میت کے حوالے سے بریگیڈ تھانے میں روزنامچہ درج کر لیا ہے جس میں سرد خانے کو عامر لیاقت کی میت بریگیڈ تھانے کے عملے کے حوالے کرنے کا کہا گیا ہے پولیس کا کہنا ہے کہ بریگیڈ تھانے کے عملے کے علاوہ عامر لیاقت کی میت کسی اور کے حوالے نہ کی جائے اگر میت کسی اور کو دی گئی تو قانونی کارروائی کی جائے گی
عامر لیاقت کی تدفین کے لئے کلفٹن عبداللہ شاہ غازی والے قبرستان میں قبر تیار کر لی گئی ہے، جنازے میں شرکت کے لئے شہری کلفٹن پہنچنا شروع ہو گئے ہیں، اس موقع پر سیکورٹی کے سخت انتظاما ت کئے گئے ہیں، پولیس کی بھاری نفری تعینات کی گئی ہے
دوسری جانب اب یہ اطلاعات آئی ہیں کہ عامر لیاقت کے پوسٹمارٹم سے متعلق پولیس اورورثاء میں معاملات طے پا گئے جس کے بعد اب عامر لیاقت حسین کا پوسٹمارٹم نہیں کرایا جائے گا،عامر لیاقت کے بیٹے بھی پاکستان پہنچ چکے ہیں
علاوہ ازیں اینکر سلیم صافی کا کہنا ہے کہ عامر لیاقت حسین مرحوم کی نہ صرف پوسٹ مارٹم ہونی چاہئے بلکہ مکمل انکوائری بھی ہونی چاہئے تاکہ حقائق سامنے آسکیں۔ پاکستانی سازشی تھیوریز سے بھرپور ملک ہے۔ کل کوئی سازشی تھیوری گڑھ کر ان کی وفات کو کوئی بھی غلط رنگ دے سکتا ہے۔
عامر لیاقت حسین مرحوم کی نہ صرف پوسٹ مارٹم ہونی چاہئے بلکہ مکمل انکوائری بھی ہونی چاہئے تاکہ حقائق سامنے آسکیں۔ پاکستانی سازشی تھیوریز سے بھرپور ملک ہے۔ کل کوئی سازشی تھیوری گڑھ کر ان کی وفات کو کوئی بھی غلط رنگ دے سکتا ہے۔
— Saleem Safi (@SaleemKhanSafi) June 10, 2022
عامر لیاقت کے انتقال کی خبر سن کر مولانا طارق جمیل کا اظہار افسوس ۔
عامر لیاقت رات رو رہے تھے، کہہ رہے تھے میں مر جاؤں گا، ملازم
تحریک انصاف کے رکن قومی اسمبلی ڈاکٹر عامر لیاقت انتقال کر گئے ہیں
اناللہ واناالیہ راجعون، ڈاکٹر عامر لیاقت انتقال کر گئے ،آخر وجہ کیا بنی ؟
عامر لیاقت نے دانیہ سے صلح کیلئے پیغام بھجوایا تھا۔جنازے میں شرکت کریں گے۔ ساس
Leave a reply
