پنجاب پولیس کے درجنوں افسران و اہلکار منشیات اسمگلنگ کی سرگرمیوں میں ملوث

راولپنڈی پولیس کے دو سب انسپکٹرز کے حوالے سے ایس ایس پی آپریشن حافظ کامران اصغر کو انکوائری آفیسر مقرر کیا گیا ہے
0
99
punjab police

راولپنڈی: پنجاب پولیس کے 45 افسران و اہلکار مبینہ طور پر منشیات اسمگلنگ کی سرگرمیوں میں ملوث نکلے –

باغی ٹی وی : تفصیلات کے مطابق پولیس افسران میں کانسٹیبل سے لے کر اے ایس آئی، سب انسپکٹر اور انسپکٹر سطح تک کے افسرا ن و اہلکاروں کے نام شامل ہیں جبکہ موجودہ و سابق ایس ایچ اوز اور چوکی انچارج کے نام بھی شامل ہیں، اس کے علاوہ راولپنڈی کے دو سب انسپکٹرز، اٹک کے ایک انسپکٹر، 4 سب انسپکٹرز، ایک اے ایس آئی اور ایک کانسٹبل کا نام بھی شامل ہے،جبکہ لاہور، گوجرانو الہ، حافظ آباد، میاں چنوں، پاک پتن، مظفر گڑھ، بہاولپور اور رحیم یار خان کے بھی پولیس افسران و اہلکار شامل ہیں۔

سی پی او راولپنڈی خالد ہمدانی کے مطابق آئی جی پنجاب نے ملوث افسران و اہلکاروں کے خلاف کارروائی کے احکامات جاری کر دیے ہیں ایڈیشنل آئی جی آپریشنز پنجاب نے سی پی او راولپنڈی و گوجرانولہ سمیت اضلاع کے ڈی پی اوز کو مراسلے کے ذریعے احکاما ت دئیے، منشیات اسمگلنگ کی سرگرمیوں میں ملوث جن کی فہرست مہیا کی جا رہی ہے ان افسران و اہلکاروں کے خلاف ایکشن لیا جائے اور ایکشن لے کر حتمی صورتحال کیا رہی اس کے متعلق سینڑل پولیس آفس کو مفصل رپورٹ بھی ارسال کی جائے۔

دوسری جانب لیاقت آباد فلائی اوور پر پولیس مقابلے کے بعد 4 ملزمان کو گرفتار کرلیا گیا پولیس کے مطابق گرفتار ملزمان سے گاڑی، اسلحہ اور موبائل فونزبرآمد ہوئے جب کہ ملزمان سے پولیس کے 2 جعلی کارڈز ، اے ٹی ایم کارڈ، 3 گھڑیاں، نقدی اورپولیس کیپ اور بیلٹ بھی ملے ہیں، ملزمان واردات کے لیے پولیس کی وردی کا استعمال کرتے ہیں۔

Leave a reply