وزیراعلیٰ پنجاب پولیس کی کارکردگی سے ناخوش، سینئر افسران کو سخت تنبیہ جاری

لاہور: وزیراعلیٰ پنجاب مریم نواز نے گزشتہ روز کی پرفارمنس انڈیکٹرز میٹنگ میں پولیس کو کارکردگی بہتر بنانے کی ہدایت کی ہے۔

باغی ٹی وی : پولیس ذرائع کے مطابق اس حوالےسے اجلاس میں گفتگو میں وزیر اعلیٰ نے سینئر افسران کو سخت تنبیہ جاری کی،وزیراعلیٰ مریم نواز نے کہا کہ نمبرز گیم کی بجائے حقیقی طور پر کرائم پر قابو پایا جائے لوگ تھانوں میں آکر حوالات میں ملزموں کو قتل کر رہے ہیں، یہ صورت تحال کسی بھی طور پر قابل قبول نہیں ہے –

وزیراعلیٰ کا مزید کہنا تھا کہ شہریوں کو سرعام لوٹا اور مارا جارہا ہے، کئی علاقوں میں علاقہ غیر کا تاثر سامنے آرہا ہے افسران کی کارکردگی کاغذو ں پر نہیں حقیقی طور پر بہتر ہونی چاہئےوزیراعلیٰ نے فیصل آباد، لاہور، راولپنڈی، ساہیوال ریجن کو کارکردگی بہتر بنانے کی ہدایت کی اور ضلع ننکانہ صاحب، سرگودھا سمیت دیگر کو سخت الفاظ میں فیلڈ ورک بہتر بنانے کا حکم دیا۔

لاہور میں گزشتہ 24گھنٹوں کے دوران مختلف جرائم کی 260وارداتیں

ذرائع کے مطابق ڈی پی او وہاڑی اور آر پی او ملتان کو بہتر کارکردگی پر شاباش دی گئی اجلاس میں وزیراعلیٰ پولیس کی جانب سے تیار کردہ کی پرفارمنس انڈیکیٹرز کی ایڈیشنل آئی جی سپیشل برانچ سے تصدیق کرتی رہیں، پہلی دفعہ اجلاس میں آئی جی پنجاب افسران کے دفاع کے بجائے خاموش رہے۔

بختاور زرداری کتنے برس کی ہو گئیں؟ سالگرہ پر مبارکباد کے پیغام