fbpx

پیپلزپارٹی سندھ کو دیمک کی طرح چاٹ رہی ہے :پی ٹی آئی رہنما علی زیدی

کراچی : وفاقی وزیر علی زیدی کا کہنا ہے کہ پیپلز پارٹی سندھ کو دیمک کی طرح چاٹ رہی ہے، عام انتخابات سے پہلےپی پی کا سندھ سےبوریہ بستر گول کردیں گے۔

تفصیلات کے مطابق وفاقی وزیر علی زیدی کا سندھ کے سیاسی رہنماؤں سے ملاقاتوں کا سلسلہ جاری ہے ، علی زیدی سے لاڑکانہ سے تعلق رکھنے والے سیاسی رہنما اللہ بخش انڑ کی ملاقات کی۔

Unmute
ملاقات میں دونوں رہنماؤں میں سندھ کی سیاسی صورتحال پر تفصیلی گفتگو کی اور سندھ میں پی ٹی آئی کی تنظیم سازی کے حوالے سے بھی تبادلہ خیال کیا گیا۔

اس موقع پر علی زیدی نے کہا کہ سندھ سے ڈاکو راج ختم کرنے کیلئےپی ٹی آئی متحرک ہو چکی، اب وقت آگیا ، سندھ میں پی پی کے خلاف عوام کو اکھٹا ہونا ہوگا۔

وفاقی وزیر کا کہنا تھا کہ پیپلز پارٹی سندھ کو دیمک کی طرح چاٹ رہی ہے، عام انتخابات سے پہلےپی پی کاسندھ سےبوریہ بستر گول کردیں گے ، تحریک انصاف کو سندھ میں مضبوط بنانے جارہے ہیں۔

Facebook Notice for EU! You need to login to view and post FB Comments!