پیپلز پارٹی کا سندھ میں سیاسی انتقام شروع، تحریک انصاف کے مرکزی رہنما کو فوری گرفتار کرنیکی ہدایت

پیپلز پارٹی کا سندھ میں سیاسی انتقام شروع، تحریک انصاف کے مرکزی رہنما کو فوری گرفتار کرنیکی ہدایت

باغی ٹی وی کی رپورٹ کے مطابق عمرکوٹ ضمنی الیکشن سےقبل سیاسی مخالفین کو دبانے کی مہم میں تیزی آ گئ ہے،عمرکوٹ میں پی ٹی آئی رہنما حلیم عادل شیخ کےخلاف ایک اور مقدمہ درج کر لیا گیا،گھوٹکی میں جولائی 2019ضمنی الیکشن کا کیس دوبارہ ری اوپن کردیا گیا

پیپلزپارٹی مخالف سرگرمیوں پر پی ٹی آئی رہنما حلیم عادل شیخ کےخلاف پرانا کیس دوبارہ کھل گیا،گھوٹکی کےعلاقے میں 2019میں بنائے گئے کیس میں حلیم عادل شیخ کی گرفتاری کے احکامات جاری کر دیئے گئے، حلیم عادل شیخ پر سرکاری امور میں مداخلت کا کیس پولیس نے درج کیاتھا

جولائی 2019کے بعد اب اس کیس میں پولیس نے پھرتیاں دکھائیں ،حلیم عادل شیخ نے گزشتہ روز عمرکوٹ میں ارباب رحیم سے ملاقات کی تھی ،پی ٹی آئی نے عمرکوٹ ضمنی الیکشن میں ارباب غلام رحیم کی بھرپور حمایت کا فیصلہ کیا تھا، حلیم عادل شیخ کے خلاف عمرکوٹ میں کیس زیر سماعت ہے

حلیم عادل شیخ نے گرفتاری کے احکامات جاری ہونے پر کہا کہ دھمکیوں کےبعد اب مجھ پر مقدمات درج کراکر زبان بندی کی کوشش کی جارہی ہے،پیپلزپارٹی سندھ حکومت کی عوام دشمنی اور کرپشن آشکار کرتارہونگا

بلاول رونے سے پہلے "آئینہ” دیکھیں، بلاول کے "ابا” اور "چاچا” سمیت "نانا” نے بھی یہ کام کیا تھا. حلیم عادل شیخ