پی پی قیادت صدمے میں ڈوب گئی : رہنما منظوروسان کوشدید صدمہ

0
33

خیرپور: پی پی قیادت صدمے میں ڈوب گئی : رہنما منظوروسان کوشدید صدمہ ،اطلاعات کے مطابق پاکستان پیپلزپارٹی سخت صدمے میں ڈوب گئی ہے، اور یہ بھی اطلاعات ہیں کہ یہ خبرمنظوروسان کے بھتیجے کے حوالے سے ہے

بھرگڑی کے قریب گاڑی سے پی پی رہنما منظور وسان اورنواب وسان کے بھانجے کی مسخ شدہ لاش برآمد ہوئی ، پولیس کا کہنا ہے کہ اے ایس آئی بلاول وسان لونگ فقیر پولیس چیک پوسٹ پرتعینات تھا۔

تفصیلات کے مطابق بھرگنی کے قریب روڈ پر کھڑی گاڑی میں آگ لگ گئی ، گاڑی سےایک شخص کی جھلسی ہوئی لاش برآمد ہوئی ، جس کے بعد ناقابل شناخت لاش کو اسپتال منتقل کیا گیا۔

پولیس نے تصدیق کی کہ گاڑی سے ملنے والی لاش پی پی رہنما منظور وسان اورنواب وسان کے بھانجے بلاول وسان کی ہے، اے ایس آئی بلاول وسان لونگ فقیر پولیس چیک پوسٹ پرتعینات تھا۔

ایس ایس پی سعود مگسی کا کہنا تھا کہ اطلاع کے مطابق اے ایس آئی کیساتھ 2دوست بھی ساتھ تھے، ایک شخص کو حراست میں لے لیا گیا ہے اور انکوائری کی جارہی ہے جبکہ عینی شاہد ین نے بتایا کہ گاڑی کے پاس سے 2 افراد فرار ہوئے تھے۔

بلاول وسان کی نمازہ جنازہ آبائی گاؤں حاجی نواب وسان میں ادا کردی گئی ہے ، نماز جنازہ میں منظور وسان ،نواب وسان ،منور وسان ودیگر نے شرکت کی۔نواب وسان نے کہا کہ بلاول وسان کو سازش کے تحت شہید کیا گیا ہے ، گاڑی میں آگ کی اطلاع 2 گھنٹے بعد ہوئی، ہمیں انصاف چاہیے۔

ادھرپاکستان پیپلزپارٹی کے چیئرمین بلاول بھٹو زرداری ، آصف علی زرداری اوردیگرقیادت نے کہا ہےکہ وہ غم کی اس گھڑی میں غمزدہ خاندان کےساتھ ہیں اوراس واقعہ میں ملوث افراد کوقانون کے کٹہرے تک لانے میں تمام وسائل بروئے کارلائے جائیں گے

یہ بھی معلوم ہوا ہےکہ پولیس نے کچھ گرفتاریاں بھی کی ہیں‌لیکن ابھی تک یہ پتہ نہیں‌چل سکا کہ کیا پولیس مجرموں تک پہنچ گئی ہے یا نہیں

Leave a reply